Menòrca

Un article de Wikipèdia, l'enciclopèdia liura.
Anar a : navigacion, Recercar
Donadas estatisticas
Gentilici Menorquin, menorquina
Populacion (2006) 90 235 ab.
Superfícia 69 439,89 km2
Densitat (2006) 119,35 ab./km2
Municipis 8

Menòrca (Menorca en catalan), es una illa de la Mar Mediterranèa, la mai septentrionala de las illas Balearas. Son nom ven de las expressions latinas Balearis Minor e Minorica, del biais que la nomenavan los romans pel fach que l'illa es la mai pichona d'entre las doas illas Balearas (respècte a Malhòrca)

Las vilas principalas ne son Maon (la capitala), Ciutadella de Menòrca, e Alaior.

Lo gentilici es menorquin, -a.

Geografia e istòria naturala[modificar | modificar la font]

Plaja d'Algaiarens, a la Vall
Mapa municipala de Menòrca

Menòrca, amb una extension de 701 km², se situa al bèl mitan de la Mar Mediterranèa occidentala (40º N 4º È), gaireben equidistanta de las tèrras africanas, italianas e ibericas, es la pus septentrionala de las Balearas. L'illa e los illòts que l'enròdan constituisson un resumit de la Mediterranèa occidentala, ont se pòdon trobar la majora part dels ecosistèmas caracteristics d'aquesta region, excepte los fluvials e los montanhencs. Mas a l'encòp, Menòrca conten de nombrosas espècias endemicas o tirrenicas, es a dire, exclusivas d'aquesta illa o ben compartidas solament amb d'autras tèrras prèpas coma Malhòrca, Corsega e Sardenha. Aquesta barreja de generalitats e singularitats fa especialament atractiu lo patrimoni natural d'aqueste territòri, a l'encòp fortament umanizat dempuèi fa 4000 ans.