1757

Un article de Wikipèdia, l'enciclopèdia liura.
Anar a : navigacion, Recercar

1757

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Ans :
1754 1755 1756  1757  1758 1759 1760

Decennis :
1720 1730 1740  1750  1760 1770 1780
Sègles :
Sègle XVII  Sègle XVIII  Sègle XIX
Millennis :
Millenni I  Millenni II  Millenni III


Cronologia mesadièra :
Gen - Feb - Mar - Abr - Mai - Junh
Julh - Ago - Set - Oct - Nov - Dec


Cronologias tematicas :
Arquitectura Drech Literatura Teatre


Autres calendièrs :
Roman Chinés Gregorian Ebrieu Indó Musulman Persan Republican

Aquesta pagina concernís l'an 1757 del calendièr gregorian.


Eveniments[modificar | modificar la font]

Occitània[modificar | modificar la font]

França[modificar | modificar la font]

Pintura representant la batalha de Rossbach.

Perseguida de la Guèrra de Sèt Ans sus lei teatres europèu, american e asiatic :

  • en Euròpa, l'armada francesa capitèt d'obtenir la capitulacion d'Hannover après la batalha de Hastenbeck (26 de julhet). Pasmens, sus lo frònt prussian, lei Francés mau capitèron d'aprofichar lei dificultats dau rèi Frederic II (1740-1786) e, au contrari, foguèron durament batuts a la batalha de Rossbach (5 de novembre). I perdiguèron aperaquí 10 000 òmes còntra mens de 600 per l'armada prussiana.
  • en America, lei tropas de Montcalm contunièron de blocar leis atacas anglesas còntra Quèbec. En mai d'aquò, capitèron de prendre lo Fort William Henry (3 d'aost).
  • en Asia, la situacion venguèt fòrça marrida après la batalha de Plassey que permetèt ai Britanics de vencre la coalicion dei princes indians profrancés. D'efèct, après aquela desfacha, lei Britanics prenguèron l'iniciativa e comencèron de menaçar lei comptadors francés deis Índias.

Euròpa[modificar | modificar la font]

System-search.svg Veire l’article : Guèrra de Sèt Ans.

Austria[modificar | modificar la font]

Après la lònga pausa militara impausada per l'ivèrn, fòrça freg, de 1756-1757, l'armada austriana deguèt protegir sei frontieras septentrionalas còntra una ataca prussiana en direccion de Praga. A partir dau 6 de mai, i sostenguèt un sètge dur mentre que de renfòrç comandats per lo manescau Leopold Joseph von Daun capitèron de rompre lo blocus prussian a la batalha de Kolin (18 de junh). Aqueu succès permetèt ais Austrians de portar la guèrra en Silèsia que son contraròtle èra primordiau per lei finanças e l'avitalhament de Frederic II (1740-1786). Pasmens, se la campanha comencèt d'un biais favorable ambé doas victòrias a Moys (7 de setembre) e Breslau (22 de novembre), l'armada austriana foguèt finalament durament batuda a Leuthen (7 de decembre) e obligada de se retirar sus son territòri (→ 1758).

Prússia[modificar | modificar la font]

Pintura representant una ataca de soudats prussians a la batalha de Leuthen.

Après sei victòrias de l'annada precedenta (→ 1756), lo rèi Frederic II (1740-1786) decidèt de dirigir sei fòrças còntra Boèmia. Après una campanha saunosa, capitèt de començar lo sètge de Praga (6 de mai). Pasmens, foguèt batut per una còntra-ofensiva austriana a la batalha de Kolin (18 de junh). I perdiguèt 14 000 òmes (còntra 9 000 per seis adversaris) e foguèt obligat d'abandonar la region de Praga.

Après aquela desfacha, la situacion prussiana èra malaisada en causa de la progression austriana au sud, francesa a l'oèst e russa a l'èst. Pasmens, lei Prussians capitèron d'arrestar totei seis adversaris a cha un. Còntra lei Rus, après una desfachha a Gross-Jägersdorf (30 d'aost), aprofichèron lei fortificacions de la region de Konigsberg per empachar tota avançada suplementària. Sus lo frònt austrian, après doas desfachas a Moys (7 de setembre) e a Breslau (22 de novembre), Frederic II ganhèt una batalha importanta a Leuthen (7 de decembre) que li permetèt de protegir Silèsia qu'èra un centre major per l'avitalhament de sei tropas. Enfin, a l'oèst, infligiguèt una desfacha resclantissenta ai Francés a la batalha de Rossbach (10 000 soudats francés perduts còntra solament 500 Prussians) lo 5 de novembre.

A la fin de l'annada, Prússia aviá donc capitat de protegir son territòri e sei ressorsas. Pasmens, son armada aviá subit de pèrdas importantas (au mens 58 000 tuats, bleçats e presoniers) e anava d'ara endavant faciar de dificultats importantas (→ 1758 e 1759).

Reiaume Unit[modificar | modificar la font]

Dins lo corrent de l'annada, lo Reiaume Unit contunièt la guèrra començada còntra França tant en Euròpa que dins lei colonias :

  • sus lo continent europèu, sei tropas foguèron batudas per lei Francés a la batalha de Hastenbeck (26 de julhet). Aquò entraïnèt la capitulacion de Hannover (convencion de Klosterzeven, → 1758). En parallèl, un còrs expedicionari foguèt mandat per atacar la basa navala francesa de Rochefort mai l'expedicion s'acabèt per una revirada en causa de la poissança dei fortificacions litoralas (1er d'octòbre).
  • en America dau Nòrd, lei Francés aprofichèron leis errors de comandament britanicas per atacar e ocupar Fort William Henry (3 d'aost) e arrestar leis atacas britanicas en direccion de la colonia francesa.
  • ais Índias, la situacion èra pus favorabla a Londres que sei tropas ganhèron una importanta batalha a Plassey que rompèt lo sistèma d'alianças format per lei Francés.

Russia[modificar | modificar la font]

Après lo començament de la guèrra l'annada precedenta (→ 1756), Russia jonhèt lo camp francoaustrian e comencèt d'atacar Prússia a l'èst. Pasmens, se son armada ganhèt una premiera batalha a Gross-Jägersdorf (30 d'aost), foguèt rapidament blocada per lei defensas de la region de Konigsberg. Ansin, lei Rus poguèron pas sostenir seis aliats francés e austrians que subiguèron de desfachas saunosas a la fin de l'annada a Rossbach (5 de novembre) e a Leuthen (7 de decembre).

America[modificar | modificar la font]

Teatre d'America dau Nòrd de la Guèrra de Sèt Ans (1756-1763).

Asia[modificar | modificar la font]

China[modificar | modificar la font]

Per limitar l'influéncia deis estrangiers, especialament deis Europèus, en China, Pequin decidèt de limitar lo comèrci ambé leis autrei país au pòrt de Canton. En mai d'aquò, l'ensenhament dau chinés foguèt enebit ais estrangiers.

Dins l'estèpa, perseguida de la repression de la revòuta dei Jungars. Òr, aquò menaçava lei projèctes de l'emperaire Qianlong d'estendre l'influéncia chinesa en Asia Centrala. Dirigida per lo generau Zhaohui, l'armada Qing infligiguèt plusors desfachas au prince Amursana que menava l'insureccion. Lo vencut deguèt s'enfugir en Russia onte foguèt arrestat e moriguèt lo 21 de setembre. Pasmens, aquò amaisèt pas la situacion car leis atrocitats chinesas entraïnèron una insureccion novèla (→ 1758).

Empèri Mogòl[modificar | modificar la font]

Presa e pilhatge de Delhi per leis Afgans.

Arts[modificar | modificar la font]

Sciéncias e tecnicas[modificar | modificar la font]

Economia[modificar | modificar la font]

Naissenças[modificar | modificar la font]

Decèsses[modificar | modificar la font]