Olfactores

Los Olfactores fòrman un clad que compòrta los tunicièrs e los craniats (vertebrats e mixinas). Rend obsolèta la nocion de miomerozoari (cefalocordats e craniats). Sos membres partejan ensemble lo sens de l'olfaccion, o odorat. Aqueste clad admet per grop fraire lo dels cefalocordats. Aqueste clad es estat creat per Jefferies d’aprèp la preséncia de potencials aparelhs olfactius omològs dins de fossils (cornuts e mitrats, fòrça controversats aquò dich) que pòdon representar de precursors de vertebrats e tunicièrs. Sa teoria dicha de calcicordat, que ditz que los cordats provenon d’ancèstres que formavan una esqueleta extèrna rica en calci, agradava pas gaire fins al moment que d'analisis molecularas recentas e nombrosas confirmen la pròcha parentat entre tunicièrs e vertebrats.

Caracteristicas

Caractèrs generals eissits dels Cordats

Article detalhat: Chordata.

Los Olfactorians possedisson las cinc caracteristicas que definisson los Cordats, a l'estat larvari pels Ascidies e los Taliacèus e que duran tota la vida pels Larvacèus e los Craniats :

• Preséncia d'una notocòrda (estructura mesodermica dorsala cilindrica alongada que jòga un ròtle de sosten).
• Tub nerviós dorsal, per rapòrt a l'intestin e a la còrda en forma de tub (Epineurians(polifiletics)).
• Fendas faringianas (Faringotrèmes (parafileticas, las fendas faringianas que foguèron apuèi perdudas pels equinodèrmes)).
• Endoestil (replec que recobrís la fàcia ventrala del farinx e qu'acamina las particulas alimentàrias al tub digestiu en secretant un mucus).
• Coa pòst-anala.

Caractèrs pròpris

Aquesta seccion es voida, pas pro detalhada o incompleta. Vòstra ajuda es benvenguda !

Los Olfactorians an de caracteristicas que possedisson doncas pas los autres Cordats (Cefalocordats):

• Sens de l'olfaccion.
• Desaparicion parciala de la notocòrda, exceptat per d'unes peisses (esturion e celacant) e per la mixina.

Evolucion

Aqueste clad a conegut un fòrça importanta diversificacion dempuèi son aparicion al Cambrian (cap a 500 milions d’annadas abans nòstra èra) : mentre que los tunicièrs e las mixinas son demòrats paus diversificats e exclusivament marins, los vertebrats an agut una evolucion fulguranta e an conqués totes los mitans del planeta, amb lors primièrs passes sus tèrra al Devonian superior, i a environ 370 milions d’annadas. Uèi, amb las balenas, que mesuran fins a 33 mètres de long (balena blava), comprenon los animals los mai pesucs e d'animals demest los mai grands que la Tèrra aja pas jamai portats.

Sistematica

Plaça dels Olfactorians demest los animals

 

Descripcion dels sosembrancaments

Los Olfactorians son constituits de tres sosembrancaments :

Articles detalhats: Tunicièrs, Vertebrats e Mixinas.

• Los Urocordats o Tunicièrs, que possedisson pas las caracteristicas dels Cordats qu'a l'estat larvari, a l'excepcion dels Larvacèus (o Apendicularis). Coma lor nom l'indica, los Tunicièrs possedisson amai una tunica, producha per l’epidèrme puèi segondàriament colonizada per de cellulas d’origina sanguina o conjonctiva, constituida d’aiga, de proteïnas e d’un glucid, la tunicina.

Segon l’ipotèsi de Garstang, la larva venguèt long de l’evolucion l'estadi dominant dins lo cicle vital, e totes los Cordats descendents possedisson las caracteristicas de la larva dels Urocordats (neotenia) : una còrda, de fendas faringianas, una coa pòst-anala, e un tub nerviós dorsal.

Un tunicièr apendiculari. Contràriament als taliacèus e als ascidies, es neotenic. Aqueste estadi auriá pogut s'impausar dins l'evolucion fins a venir dominant.

• Las Mixinas, fòrça pròchas dels vertebrats, i pòdon èsser inclusas. Lor diferéncia es de possedir pas cap de colomna vertebrala, e d'aver de fotoreceptors a la plaça dels uèlhs. Pasmens, d'unes scientifics, coma Cavalier-Smith, plaçan las mixinas modèrnas coma grop fraire dels Iperoartians al dintre dels Agnats o dels Ciclostòmes.

• Los Vertebrats, que possedisson una colomna vertebrala que recobrís la partida troncala del sistèma nerviós central. A 18 jorns, la notocòrda de l'embrion dels vertebrats se metameriza per formar los anèls de la colomna vertebrala. Los vertebrats possedisson tanben una esqueleta ossosa o cartilaginosa e d'uèlhs.

Filogenia

En classificacion classica, los Olfactorians son tradicionalament devesits en tres sosembrancaments :

• non-classat Olfactores
  • sosembrancament Tunicata Lamarck, 1816
  • non-classat Craniata Janvier, 1981
    • sosembrancament Myxinoidea o classa Myxini
    • sosembrancament Vertebrata Lamarck, 1801
      • infraembrancament Agnatha Cope, 1889
      • infraembrancament Gnathostomata Gegenbaur, 1874

O en dos, segon NCBI:

• sosembrancament Tunicata Lamarck, 1816
  • classa Appendicularia
  • classa Ascidiacea
  • classa Thaliacea
• sosembrancament Craniata Janvier, 1981
  • non-classat Hyperotreti
    • òrdre Myxiniformes
  • non-classat Vertebrata
    • non-classat Hyperoartia
    • superclassa Gnathostomata

Cavalier-Smith, quant a el, devesissiá aqueste taxon en dos sosembrancaments e en dos infraembrancaments:

• sosembrancament Tunicata Lamarck, 1816
• sosembrancament Vertebrata Lamarck, 1801
  • infraembrancament Agnatha Cope, 1889
  • infraembrancament Gnathostomata Gegenbaur, 1874

Idèa del recampament

L'idèa del recampament dels tunicièrs e dels vertebrats sembla pas, a primièra vista, fòrça logica. En efièch, presentan de morfologias fòrça diferenta. D'unes scientifics an quitament agut l'idèa de raprochar los tunicièrs dels mollusques. Òr, se nos metèm a comparar lors larvas, coma Darwin lo faguèt i a mai de 150 ans, vesèm plan viste fòrça semblanças, coma la coa pòst-anala, la forma de las larvas, o encara la notocòrda.

Capgròs de granhòta (vertebrat)

Larva d'ascidie (tunicièr)

Vejatz tanben

Articles connèxes

• Chordata
• Cephalochordata, lo grop fraire dels Olfactorians
• Tunicata
• Craniata
• Vertebrata
• Myxini
• Chordata (classificacion filogenetica)
• Olfaction

Referéncias taxonomicas

• Referéncia NCBI : Chordata (en) (consultat lo 9 de junh de 2012)
• Tree of Life Web Project reconeis pas aqueste taxon e plaça los Cefalocordats coma grop fraire dels vertebrats.

Nòtas e referéncias

Referéncias

<references>

• Portal de la biologia
• Portal de la zoologia