Medusa

Un article de Wikipèdia, l'enciclopèdia liura.
Anar a : navigacion, Recercar
Fotografia de medusas luna, un exemple de medusa frequenta lòng dei litoraus occitans.

Lei medusas (var. carnmarina, marmolh[1], marmolha, pòta) son un ensems de plusors espècias de cnidaris. Fòrça ancianas, son probablament aparegudas durant l'Edicarian (635 - 541 Ma) e forman totjorn un grop relativament prospèr amb aperaquí 1 500 espècias identificadas a l'ora d'ara. Se troban dins totei lei tipes de mars e mai dins certaneis estendudas d'aiga doça.

Descripcion[modificar | modificar la font]

Lei medusas son fachas d'una partida superiora, dicha ombrèla, que protegís una cavitat bucala e lei diferents sistèmas biologics de l'animau, e de nematocists que permèton de caçar. Totei lei medusas son carnivòras : sei nematocists li permèton de paralizar sei predas[2]. Dins un mitan favorable, la consumacion de manjar dei medusas pòu èsser fòrça importanta. Per exemple, dins lo corrent d'una jornada, certaneis espècias pòdon consumar la mitat de son pes. Generalament, lei predas fan partida dau fitoplancton mai certaneis espècias pòdon s'atacar a d'organismes pus importants coma de peis, de crustacèus ò d'autrei medusas.

Lei medusas an mai d'un predator coma de tartagus marinas, de peis (compres de peis de gròssa talha coma lo ton ò lo peis-espasa) e d'aucèus (coma l'albatròs). Dins certanei regions asiaticas, l'òme n'es pereu un predator.

Reproduccion[modificar | modificar la font]

Dins la màger part deis espècias, la reproduccion es principalament realizada gràcias a un sistèma de reproduccion sexuada. Durant lei periòdes de reproduccion, tota l'energia de la medusa es dirigida vèrs leis organes sexuaus que libèran dins l'aiga lei cellulas sexualas. Aquò entraïna la fecondacion de miliers d'ovuls e la mòrt dei medusas adultas.

En causa dau rescaufament climat mondiau, lei condicions de vida dins leis oceans e lei mars vènon mai e mai favorablas ai medusas. Aquò entraïna una aumentacion importanta dei populacions. Dins lei cas pus extrèms, se pòdon observer d'explosions de medusas que fòrman alora de flòtas de plusors quilomètres.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]

  1. Masculin.
  2. En causa dei toxinas utilizadas per la caça, mai d'una espècia es toxica per l'òme e certanei son mortalas.