Institut Catolic de Tolosa

L'Institut Catolic de Tolosa (ICT) es un establiment privat d'ensenhament superior comprenent de facultats de letras e sciéncias umanas, de drech e de teologia, e tanben d'escòlas superioras professionalas.

Institut Catolic de Tolosa, rue de la Fonderie

Plaçada dins lo centre istoric de Tolosa, carrièra de la Fondariá, dins de bastiments construits entre lo sègle XIV e XVIII l'Institut es partetjada entre las diversas facultats e instituts. Compren tres anfiteatres, una bibliotèca, una capèla, fòrça salas, de laboratòris de recercas, un musèu arqueologic e istoric.

Situat sul site de l'ancian ostal de sant Domenge, la refondacion en 1876 de l'Universitat catolica de Tolosa, se plaçava dins la continuitat de l'anciana universitat que lo sant aviá contribuit a fondar en 1229, coma dins la filosofia de sant Tomàs d'Aquin que la sepultura se tròba a la Glèisa dels Jacobins. Alara que la denominacion d'universitat foguèt abandonada dempuèi 1790 per l'ensenhament superior public al benefici dels noms d'escòlas de drech, de medecina e de facultat des letras, una lei de 1880 obliguèt l'establiment de cambiar de nom per aquel d'Institut Catolic de Tolosa. Nom que conservèt dempuèi.

Reconegut d'utilitat publica en 1881 e 2001, l'Institut Catolic de Tolosa aparten a l'Associacion dels evesques fondators de l'Universitat Catolic de Tolosa - Institut Catolic de Tolosa comprenent los sètis evescals de Tolosa, d'Albi, de Pàmias, de Rodés, de Montalban, de Tarba, de Tula, d'Aire e Dacs, d'Aush, de Periguers, de Carcassona, de Perpinhan, d'Agen e de Sant Flor.

L’Institut Catolic de Tolosa es membre de la Federacion internacionala de las universitats catolicas qu'amassa 200 universitats catolicas pel mond e es un dels 6 instituts catolics franceses (amb Angieus, Lilla, París, Lion et La Roche-sur-Yon).

L'establiment prepausa une formacion segon lo dispositiu LMD.

Los Estudis

Formacions e diplòmas

Facultat de Drech

1. Facultat liura de Drech

Facultat liura de Filosofia

1. Facultat de Filosofia (diplòmas d'Estat)
2. Facultat de Filosofia Canonica (diplòmas canonics)

Facultat de Teologia

1. Facultat de Teologia (FTSR)
2. Facultat de Drech canonic
3. Institut de Sciéncias e de Teologia de las Religions (ISTR)
4. Institut dels Arts e Musica sacrada (IAMS)
5. Institut d'Estudis Religioses e Pastorals (IERP)
6. Acuèlh dels Prèires Estudiants Asiatics (APEA)
7. Anada de Formacion dels Prèires (AFP)

Facultat liura de letras e sciéncias umanas

1. UR de las Letras, Lengas, LEA, Psicologia, Comunicacion, Istòria, Patrimòni e Torisme
2. Licéncia de Comunicacion Europèa (LCE)
3. Institut Universitari de Lenga e de Cultura Francesas (IULCF)

Educacion, pedagogia

1. Institut de recrutament e de formacion de l'ensenhament catolic (formacion dels professors de las escòlas e del segondari) IRFEC

Organismes integrats a l'ICT

1. Institut superior per la comunicacion, l'audiovisual e lo multimèdia ISCAM
2. Centre etic e management CEM
3. Institut universitari de lengas e de culturas francesa IULCF

Escòlas ligadas a l'Institut Catolic de Tolosa

1. Escòla de jornalisme de Tolosa (EJT)
2. Escòla d'engenhaires de Purpan (EIP), anciana ESAP: Escòla superiora d'agricultura de Purpan)
3. Institut de formacion e de recerca en animacion sanitària e sociala (monitors-educators, ajudas-sonhants, ortofonistas, puericultura) IFRASS
4. Institut pel desvolopament e lo conselh d'entreprisa IIDCE
5. Collègi d'Occitània
6. Institut d'art religiós de Tolosa IART

Autras formacions

1. Institut catolic dels arts e mestièrs de Tolosa (ICAM Tolosa)
2. Centre d'examen de l'University of Cambridge (preparacion als examens d'aquela universitat)
3. Centre d'examen del Passapòrt de competéncias informatic europèu (PCIE)

L'Institut en chifres

Bastiment de l'Institut, dins l'anciana fondariá de canons

• 5 facultats
• 8 instituts universitaris
• 3 escòlas superioras associadas que 2 escòlas d'engenhaires

Bibliotècas

La bibliotèca de l'Institut catolic, compren tres fons, lo fons documentari de 200 000 obratges, lo fond del Centre d'estudis africans, arabis e asiatics CEAAA que compren 12 000 obratges en francés e en arabi, e lo fons patrimonial que compòrta prèp de 25 000 volums abans de 1815, qu'una colleccion de Manuscrichs, Incunables e documents iconografics.

Autres servicis

Restaurant universitari

• Restaurant universitari
• Associacion esportiva (l'ICT-Olympic):
• Cambras d'estudiants
• Burèl dels estudiants

Istòria

Personalitats ligadas a l'institut

• Abat René de Naurois, ancian professor de l'Institut, juste d'entre las nacions
• Monsenher Bruno de Solages, ancian rector
• Cardinal Jules Saliège, evesque de Tolosa, ancian cancelièr de l'Institut
• Abat Josèp Salvat, filològ, fondator del Collègi d'Occitània
• Chanoine Ernèst Negre, professor de literatura occitana, toponimista, director du Collègi d'Occitània
• Abat Jacques Thomas, orientalista, professor de filologia semitica
• Paire Géraud Venzac, filològ, romanista, autor de trabalh d'erudicion sus Victor Hugo, Gustave Flaubert, e d'una traduccion de la Vida de Sant Gerald d'Aurillac per Odon de Cluny
• Canonge Jean-Baptiste Senderens, quimista, professor de fisica, collaborateor de Pau Sabatièr, fondator de l'escòla superiora de sciéncias.
• Monsenher Jean-Baptiste Caussette, primièr rector
• Sant Domenge
• Valérie Dupuy, secretari universitari
• Abat Léonce Couture, filològ, professor puèi degan de l'Institut Catolic
• Abat Georges Baccrabère, arqueològ e istorian
• Paire Jean-Michel Maldamé, o. p., teologian e scientific, degan de 1984 a 2000

Bastiments

• Musèu arqueologic, rèstes del barri antic de Tolosa (ISMH), sarcofag paleocrestian, Mòla gallesa, escupturas trobadas sul site
• Musèu istoric
• Capèla de Santa Clara del Salin
• Anfiteatre Bruno de Solages, bastida en 1650 pels Dominicans, plafon amb 15 quadres de Thomas-Balthazar Moncornet contant la vida de Sant Domenge. (ISMH)
• Ostal Seilhan‎, de Pèire Seilhan, filh de Bernard viguièr del comte de Tolosa, qu'abitava Sant Domenge. (ISMH)

Vejatz tanben

Bibliografia

• (fr)Claude Nières et Philippe Guionie, L'Institut catholique de Toulouse, Toulouse, Éditions Privat, 2010 ISBN: 978-2-7089-1763-7

Ligams extèrnes

• (fr)Institut catholique de Toulouse - Site oficial
• (fr)Institut catholique des arts et métiers de Toulouse