Guèrra francoalemanda de 1870
|
Guèrra francoalemanda de 1870 | |
|---|---|
 | |
| Informacions generalas | |
| Data | 19 de julhèt de 1870 - 29 de genier de 1871 |
| Luòc | França |
| Casus belli | Declaracion de guèrra francesa |
| Eissida | Victòria prussiana, proclamacion de l'Empèri Alemand e annexion d'Alsàcia-Lorena |
| Belligerants | |
 Segond Empèri Francés |
.svg){kind=small} Confederacion d'Alemanha dau Nòrd : |
| Fòrças en preséncia | |
| 900 000 òmes | 1 200 000 òmes |
| Pèrdas | |
| 139 000 mòrts | 120 000 mòrts |
| Batalhas | |
| Wissembourg – Spicheren – Wörth – Borny-Colombey – Estrasborg – Toul – Mars-la-Tour – Gravelotte – Metz – Beaumont – Noisseville – Bazeilles – Sedan – Bellevue – Coulmiers – L'Avana – Amiens – Beaune-la-Rolande – Villepion – Beaugency – Hallue – Bapaume – Villersexel – Le Mans – Lisaine – París – Belfort | |
.svg){kind=small}
.svg){kind=small}
.svg){kind=small}
La Guèrra Francoalemanda es un conflicte dau sègle XIX que se debanèt dau 19 de julhèt de 1870 au 29 de genier de 1871. Opausèt lo Segond Empèri francés (remplaçat en setembre de 1870 per la Tresena Republica) au Reiaume de Prussia e seis aliats (Bavièra, Wurtemburg, Baden...). Foguèt causat per la declaracion de guèrra francesa en respònsa a la provocacion prussiana dau telegrama d'Ems e per la volontat prussiana d'unificar leis estats alemands. Mau preparada, l'armada francesa imperiala foguèt rapidàment esquichada entraïnant lo rebutament de l'Empèri lo 4 de setembre de 1870 enterin que lei Prussians acomencèron lo sètge de París. La Republica assaièt alora de contuniar lei combats per replegar lei Prussians mai sei contra-ofensivas d'ivèrn s'acabèron per de reviradas successivas. En genier de 1871, la capitala deguèt donc capitular marcant la fin de la guèrra, lo començament d'una crisi politica importanta en França que s'acabará per la guèrra civila de la Comuna de París (18 de març - 29 de mai de 1871) e la proclamacion de l'Empèri alemand. La patz foguèt negociada après la fin de la Comuna : leis Alemands obtenguèron lo pagament d'una indemnitat de guèrra importanta e l'annexion dei territòris d'Alsàcia-Lorena.