Comunautat Autonòma Basca
Pels articles omonims, vejatz Bascoat (omonimia).|
Euskal Autonomia Erkidegoa | |||
|---|---|---|---|
 |
| ||
| Devisa : (cap) | |||
| Estat | Espanha | ||
| Capitala | Vitòria | ||
| Superfícia - totala - % d'Espanha |
14en reng 7234 km² 1,4 % | ||
| Populacion - Totala (2003) - % d'Espanha - Densitat |
7en reng 2 108 281 ab. 5,0 % 291,44 ab./km² | ||
| Gentilici - Euskera - Espanhòl |
cap cap | ||
| Estatut d'autonomia | 22 de decembre de 1979 | ||
| ISO 3166-2:ES | ES-PV | ||
| Sètis al Parlament | 19 congressistas 9 senators | ||
| President | Iñigo Urkullu Rentería (PNB) | ||
| Localizacion | |||
.svg)
| |||
| Identificants | |||
| |||
La Comunautat Autonòma Basca (Euskal Autonomia Erkidegoa en basco e Comunidad Autónoma del País Vasco en espanhòl) es una comunautat autonòma d'Espanha qu'englòba Alaba, Biscaia e Guipuscoa, ont se tròba la partida occidentala del Bascoat istoric.
Lo nom oficial d'aquela comunautat, en occitan, es Bascoat o País Basco o País Basc, mas es un nom enganaire perque dins aquela comunautat autonòma se localiza solament una partida del Bascoat istoric.
Se situa a l'extrèm nord-oriental de la franja cantabrica, sul golf de Gasconha o mar Cantabrica. Los territòris limitròfs son lo departament francés dels Pirenèus Atlantics al nòrd, La Rioja e la província de Burgos al sud, Cantàbria a l'oèst e la Comunautat Forala de Navarra a l'èst.
La superfícia es de 7234 km² e la populacion de 2 124 846 abitants (font: INE, genièr de 2005) e la densitat de populacion de 292,4 ab./km².
La capitala es Vitòria en Alaba, onte se tròban los sètis del parlament e del govèrn de la comunautat.
Evolucion del territòri[modificar | modificar la font]
A partir del sègle XIX lo territòri de la comunautat actuala foguèt apelat en espanhòl Provincias Vascongadas ('províncias bascofònas'); aquel nom compreniá pas Navarra, qu'èra estat pas una província mas un reialme. La comunautat es uèi integrada per las províncias (territòris istorics dins l'ordenament autonomic) d'Alaba, Biscaia e Guipuscoa. Navarra a tanben drech de s'integrar en la Comunautat Autonòma Basca, en cas que decidisca son incorporacion segon lo procediment establit dins la quatrena disposicion transitòria de la Constitucion espanhòla e dins la LORAFNA (Lei Organica de Reintegracion e de Melhorament del Regim Foral de Navarra), mas fins ara a mostrat pas cap d'interès d'exercir aquel drech.
Lengas[modificar | modificar la font]
Se parla subretot doas lengas, l'espanhòl e lo basc, mas ancianament s'es tanben parlat occitan gascon dins mantun vilatge de la còsta orientala de Guipuscoa. Lo basc, a la diferéncia d'aquelas lengas, procedís pas del latin mas del protobasc, una anciana lenga circonpirenenca. En 2001, 51% de la populacion èra monolingüa castelhana, 32% èra bilingüa, encara que 18% parlava basc amb dificultat. Aqueles percentatges vàrian segon lo territòri istoric; Guipuscoa es la mai bascofòna e Alaba la mens. Cal notar qu'aquelas donadas son de 2001 e qu'actualament, lo percentatge de populacion bilingüa es probablament màger.
Ligams extèrnes[modificar | modificar la font]
.svg){kind=small}
.svg){kind=small}
.svg){kind=small}
.svg){kind=small}