Guipuscoa
| |||
| Capitau | Sent Sebastian | ||
| Comunautat autonòma | Comunautat Autonòma Basca | ||
| Estat |  Espanha
| ||
| Superfícia | 1909 km² | ||
| Populacion | 701 056 ab. | ||
| President | Markel Olano (PNB) | ||
| Sit oficiau | gipuzkoa.net | ||
| Mapa de Guipuscoa | |||
|---|---|---|---|
| |||
Guipuscoa (Guipuscoa en francés, Gipuzkoa en basco, Guipúzcoa en espanhòu) qu'ei un parçan deu Bascoat. Lo levant deu parçan qu'ei istoricament deu ducat de Vasconia o Gasconha.[1],[2]
Administrativament, qu'ei un "territòri istoric" dens la Comunautat Autonòma Basca e ua província d'Espanha.
La capitau qu'ei Sent Sebastian (Donostia en basco).
Los sons abitants que son los guipuscoans.
Qu'ei bordada per Biscaia (oèst), Alaba (sud), Labord e la Comunautat Forala de Navarra (èst) e peu golf de Gasconha (nòrd).
Ua part important de la populacion de la còsta orientau (Hont Arràbia, Sent Sebastian, Passatge) que parlava l'occitan gascon enqüera a la fin deu sègle XIXen e au començament deu sègle XXau.
Heraudica[modificar | modificar la font]
Los arbos e la mar qu'arrepresentan lo litorau e l'interior (tres arbres peus tres territòris qui constitueishen Guipuscoa). Los gigants o titans qu'evocan probablament la tradicion deus jentilak (personatges de la mitologia basca qui simbolizan lo pòble basco precrestian). Los canons e lo rei qui porta l'espasa que desapareishón en 1979.
.svg){kind=small}
