Golf de Gasconha

Un article de Wikipèdia, l'enciclopèdia liura.
Anar a : navigacion, Recercar
Lo golf de Gasconha
Lo golf de Gasconha o mar Cantabrica
Lo golf de Gasconha a Arcaishon (Occitània)
Lo golf de Gasconha a Biàrritz (Occitània)
Las còstas del golf de Gasconha: Sant Joan de Gaztelugatxe a Bermeo (Bascoat)
Ròcas sus la còsta deu País Basc

Primèra definicion[modificar | modificar la font]

Lo golf de Gasconha o lo golf de Biscaia o la mar Cantabrica (en basc Bizkaiko golkoa / Kantauri Itsasoa; en espanhòu golfo de Gascuña / golfo de Vizcaya / mar Cantábrico; en francés golfe de Gascogne / golfe de Biscaye / mer Cantabrique) es un golf gran de l'ocean Atlantic situat a l'oèst d'Euròpa. En anant dempuish lo nòrd de Galícia fins au sud de Bretanha, confronta las còstas de Galícia, Espanha, deu Bascoat, d'Occitània, França e Bretanha, e en tèrmes d'estats, confronta Espanha e França.

Segonda definicion[modificar | modificar la font]

Existeish ua auta concepcion, subertot utilizada dens l'estat espanhòu, e pro ispanocentrista, segon la quau:

  • La mar Cantabrica seré ua mar litorala de l'ocean Atlantic que banharé la còsta nòrd de la Peninsula Iberica. S'espandiré dempuish la punta d'Estaca de Bares (Galícia) fins a l'embocadura deu riu Bidassoa (au mitan deu País Basc e exactament au limit deus estats espanhòu e francés).
  • Lo golf de Gasconha (o golf de Biscaia) seré pas qu'un annèxe orientau de la mar Cantabrica (lo son "hons" d'ua certana manèra). Situat a l'èst de Bidassoa, que seré la partida que banharé las còstas de l'estat francés (País Basc septentrionau e Gasconha).

Aquera definicion espanholista non precisa pas guaire la plaça exacta de las còstas francesas e bretonas.

Fauna[modificar | modificar la font]

Lo litorau qu'ei l'airau de l'abitat de hèra ausèth, qui la majoritat non s'i reprodusissen pas mes qui i son en tròp coneishuts e las loas visitas i son pro frequentas. A maugrat de la hòrta pression cinegetica, miles d'anatids limicòls e'autes ausèths marins qui son cada an obligats de crotzar lo golf, que reposan e que's noiren dens las soas còstas, los estuaris e las paluns gaireben desapareishudas.