Enargita
L’enargita es un minerau gris ò negre. D'una duretat de 3 e d'una densitat compresa entre 4,4 e 4,5, es compausada de sulfoarseniat de coire Cu3AsS4 que forma de cristaus tabulars ò prismatics. Pasmens, dins la natura, lei cristaus son fòrça rars e l'enargita se presenta puslèu sota forma de massas microcristallinas ò d'agregats lamellars. Son esclat es metallic, es soluble dins l'acid nitric (en formant de cristaus de sofre) e es pas fluorescenta.
Geologicament, l’enargita se forma dins lei venas idrotermalas de temperatura mejana. I es generalament associada amb la bornita, la tetraedrita e la covellina. Lei jaciments pus importants se tròban ais Estats Units, en Mexic, en Peró, en Bolívia, en Chile, en Namibia e ai Filipinas. En Occitània, lo jaciment pus important se situa sus lo territòri de la comuna de Lieusola[1]. Es esplechat coma minerau de coire e d'arsenic.
Liames intèrnes[modificar | Modificar lo còdi]
Bibliografia[modificar | Modificar lo còdi]
- (fr) Nicola Cipriani (trad. Marie-Hélène Alfonsi e Catherine Sobecki), Minéraux et Roches, París, Gründ, 1996.