L'arsenic es l'element quimic de numèro atomic 33, notat pel simbòl As. Son còs simple se presenta jos la forma d'un solid cristallin argentat.
L'arsenic aparten al grop dels pnictogèns (grop 15) amb l'azòt (N), lo fosfòr (P), l'antimòni (Sb), lo bismut (Bi) e lo moscovi(Mc). Ten de propritats intermediaris entre las dels metals e dels non-metals, coma l'antimòne que ne's pròche. Es generalament considerat coma un metalloïd. Es un element nautament toxic e un polluant reglementat dempuèi 2005 en Euròpa per una directiva.
Lo grop dels pnictogèns mòstra una tendància creissenta de formar de sulfurs estables puslèu que d'oxids. En mai, los ions a basa d'As, Sb e Bi son précipitats per lo sulfur d'idrogèn en solucion.
L’arsenic es quimicament fòrça semblable al fosfòr, element non-metal que le precedís dins lo meteis grop. Òm ditz qu'es son «analòg quimic». Presenta tanben una granda analogia amb l'antimòni semi-metallic, pus pesuc, que le seguís dins lo grop.
Aquela matèria coneguda dempuèi l'Antiquitat es tanben un perturbator endocrinian.
