Numèro CAS

Un article de Wikipèdia, l'enciclopèdia liura.
Anar a : navigacion, Recercar

Lo numèro CAS (CAS number o CAS registry number en anglés) d'un produch quimic, d'un polimèr, d'una sequéncia biologica o d'un aliatge es son numèro d'enregistrament unic al près de la banca de donadas de Chemical Abstracts Service (CAS), una division de l'American Chemical Society (ACS). Lo CAS atribuís aquestes numèros a cada produch quimic qu'es estat descrich dins la literatura. En mai, lo CAS manten e comercializa una basa de donadas d'aquestas substàncias, lo CAS Registry.

Aperaquí 30 milions de compausats recebèron un numèro CAS entrò uèi. Aperaquí 4 000 numèros nòus son aponduts cada jorn. La tòca n'es de facilitar las recercas dins las basas de donadas.