Bocona (selva)
|
Bocona
Forêt de Boucone | |
|---|---|
| |
| Localizacion | |
| Posicion | Pibrac |
| Coordenadas | 44° 01′ 56″ nòrd, 1° 45′ 16″ èst |
| País | .svg){kind=small} Occitània
|
| Region | Occitània |
| Departament | Nauta Garona e Gers |
| Geografia | |
| Superfícia | 2 700 ha |
| Altituds | mini. 180 m — maxi. 292 m |
| Complements | |
| Proteccion | Selva de proteccion |
| Estatut | Selva domaniala e selvas comunalas |
| Administracion | Ofici national de las selvas |
| Esséncias | Garrics, Pinastres |
Bocona es un bòsc d'Occitània situat per partida dins lo parçan de Savés, dins lo departament francés de Nauta Garona e un pauc de Gers, a un vintenat de quilomètres à l'oèst de Tolosa.
Descripcion
[modificar | modificar lo còdi]D'una superfícia de 2 700 ectaras, es gerit majoritariament per l'Ofici nacional de las forests (bòsc domanial de 2 000 ectaras). Compren tanben de partidas privadas e d'autras comunalas. S'i trapa una basa de lésers, gerida pel Sindicat mixte per l'amenatjament de la selva de Bocona.
Los plants locals mai espandits de Bocona[1] son de garrics (Quercus petraea e Quercus robur) mens sovent Quercus pubescens e Q. suber e lo pin maritim. D'autres fulhoses coma de castanhs, calpres, tilhs, e fraisses son tanben presents en mescla. De plants exotics coma los garrics roges d'America (Q. rubra) e los avets de Nordmann (Abies nordmanniana) son presents, mai sovent plantats.
Aquèl bòsc es lo sol grand massís boscat pròche del Grand Tolosa, mas malgrat de sa fòrta fraquentacion, conten de sanglars e cabròls. D'autras espècias mai discrètas i son presentas coma la geneta lo rainal e lo tais. Lo Circaèt Joan lo blanc caça sus las talvèras.
Per decret de l'11 de setembre de 2009, aquel massís es classificat forest de proteccion sus une superfícia d'unes 2 830 ectars (dque 300 en Gers), sul territòri de las comunas de Brats, Daus, La Sèrra Pradèra, Legavin, Levinhac, Merenvièla, Mondonvila, Montaigut de Sava e Pibrac (en Nauta Garona) e Pujaudran (en Gers)[2].
Formacion
[modificar | modificar lo còdi]Lo massís s'apièja sus d'ancianas laissas alluvialas de Garona formadas dins lo 1èr interglaciari, de Günz-Mindel.
Activitats
[modificar | modificar lo còdi]Una basa de léser s'i trapa amb una piscina, de terrens de tennis, un minigolf, un airal de picnic, de dralhas per l'escorreguda, coma lo Camin de Sant Jaume via Tolosana o pel BTT.
Toponimia
[modificar | modificar lo còdi]Las fòrmas ancianas, per la vila antica prèpa de l'Isla de Baish, o l'ahorest, son : Buchona, Bocona, Bucona cap a 893 [3].
Istòria
[modificar | modificar lo còdi]
L'itinerari de l'Anonim de Bordèu passa dins la region e mencionan le site de Bucconis, plan prèp de l'Isla de Baish.
François Verdier i foguèt tuat par la gestapo.
Referéncias
[modificar | modificar lo còdi]- ↑ « L'histoire de la forêt », sur le site du Syndicat mixte pour l'aménagement de la forêt de Bouconne.
- ↑ Décret du 11 septembre 2009 portant classement comme forêt de protection de la forêt de Bouconne sur le territoire des communes de Brax, Daux, Lasserre, Léguevin, Lévignac-sur-Save, Mérenvielle, Mondonville, Montaigut-sur-Save et Pibrac dans le département de la Haute-Garonne et sur le territoire de la commune de Pujaudran dans le département du Gers, JORF no 212 du 13 septembre 2009, p. 15076, texte no 8, NOR AGRT0913921D, sur Légifrance.
- ↑ Émile Connac, Dictionnaire topographique du département de la Haute-Garonne, manuscrit, 1882, Vol. 1, p, cercar sus Gallica
