Aivigas e Aibena

Un article de Wikipèdia, l'enciclopèdia liura.
Anar a : navigacion, Recercar

Aivigas e Aibena es una anciana comuna perigòrda d'Occitània, administrada pel departament de Dordonha, estacada a la comuna de Salanhac en 1965 e que fòrma emb ela la comuna de Salanhac e Aivigas.

Geografia[modificar | modificar la font]

Aivigas (lo borg) es sus un planòl, a pauc distància de la rota Carluç-Salanhac (RD 61, RD 47, puèi RD 61). Es sus la RD 47 qu'a pas granda importància en direccion d'Aibena. Après Aivigas, la RD 47 s'engulha dins una comba estrecha, arriba a Aibena, puèi contunha cap a la RD 62 que mena a Solhac. L'aglomeracion d'Aivigas, plan mai importanta que la d'Aibena, garda una vitalitat relativa malgrat la pèrda de las foncions administrativas.

Toponimia[modificar | modificar la font]

Aivigas[modificar | modificar la font]

Las fòrmas ancianas son Parochia d'Ayguigas, en 1031, Eyvignas, Acvigas, en 1323, Ivignas en 1326 e Evignas dins la siguda del sègle XIV. Chantal Tanet e Tristan Hordé, que, coma de costuma, an negligit de s'informar de la fòrma del nom dins la lenga autoctòna, postulan a las vinhas, contractat coma dins l'oèst del departament (as [ɛj] vinhas) [1]; Dauzat se garda de tota interpretacion, perqué las atestacions son contradictòrias [2]. Probable que lo nom autentic semblava curiós als escribas, aquí perqué faguèron jogar l'atraccion de vinhas, que demorèt dins lo nom oficial d'aquí a 2001. Qué pensar, pr'aquó, de la fòrma de 1031 ?

Se remarca que Aivigas fai partida dels noms de luòcs que començan per Ai-, que son situats a una frontièra de pòble gallés, mai que mai a l'entorn de Perigòrd, que son pas explicats o que son sols del meteis nom (Aidon, Aineça, Aimet) en mai dels Aigurandas. Idèa de « frontièra » ? En isolant l'element ai- comun a tots, i a un mot gallés que convendriá per la segonda partida : uic(o)-, -uices, « combatent(s), venceire(s) » [3]. La fòrma femenina del nom poiriá venir d'un villa sosentendut e lo plural, encara pus eventualament, d'un collectiu. Aquelas reflexions son pas que d'ipotèsis aventuradas.

Aibena[modificar | modificar la font]

Las fòrmas ancianas son Vicus de Haebene en 1322, puèi Eybena en 1325; Tanet e Hordé tròban pas de solucion e gausan pr'aquò un nom germanic seguit del sufixe -ing(os) [4], mas -ingos femenizat auriá pas donat una finala -ena al sègle XIV. Dauzat suggerís l'exemple d'Eybens, que n'explica lo sufixe pel gallés -inco o pel germanic -ing [5].

Pr'amor de l'atestacion de 1322, Aibena fai benlèu pas partida dels noms en -Ai relevats a prepaus d'Aivigas. Pr'aquò, s'èra d'aquela familha, lo segond element poiriá èsser lo gallés penno-, « cap, extremitat », emb sonorizacion normala de -p- en posicion (venguda) intervocalica.

Istòria[modificar | modificar la font]

  • Aivigas e Aibena fusionèron en 1827 e lo nom oficial de la comuna èra Eyvignes-et-Eybènes [6]; puèi en 1965, la comuna fusionèt emb Salanhac e lo nom novèl foguèt oficialament Salignac-Eyvignes, puèi Salignac-Eyvigues a partir de 2001 [7].

Demografia[modificar | modificar la font]

Aibena abans la fusion de 1827[modificar | modificar la font]


 v · d · m 
Evolucion demografica
Populacion comunala actuala (2013): , totala:
Picto infobox character.png
1793 1800 1806 1821 1831 1836 1841 1846 1851
308 308 417 367 - -
1962 1968 1975 1982 1990 1999 2006 2007 2008




Cercar
Cercar
Cercar
Cercar
Cercar
2009 2010
Cercar
Cercar
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE


Aivigas, puèi Aivigas e Aibena[modificar | modificar la font]


 v · d · m 
Evolucion demografica
Populacion comunala actuala (2013): , totala:
Picto infobox character.png
1793 1800 1806 1821 1831 1836 1841 1846 1851
356 324 355 315 707 643 684 722 685
1856 1861 1866 1872 1876 1881 1886 1891 1896
679 569 599 592 603 557 537 515 535
1901 1906 1911 1921 1926 1931 1936 1946 1954
517 453 366 320 315 258 253 238 201
1962 1968 1975 1982 1990 1999 2006 2007 2008
173



Cercar
Cercar
Cercar
Cercar
Cercar
2009 2010
Cercar
Cercar
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE


  • Las donadas de la drecha del grafic, plaçadas automaticament, son las de la comuna entièra de Salanhac e Aivigas

Luòcs e monuments[modificar | modificar la font]

  • Glèisa Sent Lop d'Aibena, del sègle XII, inscrita dempuèi 1947 als [[Monument istoric en França[Monuments istorics]][8]
  • Glèisa Sent Remesi ? d'Aivigas
  • Castelet d'Aivigas, sègles XVI e XVII
  • Castelet d'Aibena,sègles XV e XVI

Personalitats ligadas amb la comuna[modificar | modificar la font]

Véser tanben[modificar | modificar la font]

Ligams extèrnes[modificar | modificar la font]

Nòtas e referéncias[modificar | modificar la font]

  1. Chantal Tanet et Tristan Hordé, Dictionnaire des Noms de Lieux du Périgord, ed. Fanlac, segonda edicion, 2000, p. 385
  2. Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 279
  3. Xavier Delamarre, Dictionnaire de la Langue gauloise, ed. Errance, 2na edicion, 2008, p. 317
  4. Chantal Tanet et Tristan Hordé, Dictionnaire des Noms de Lieux du Périgord, ed. Fanlac, segonda edicion, 2000, p. 385
  5. Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 279 e 278
  6. http://cassini.ehess.fr/cassini/fr/html/fiche.php?select_resultat=13371
  7. http://cassini.ehess.fr/cassini/fr/html/fiche.php?select_resultat=35103
  8. Basa Mérimée Notícia N°PA00082913, Ministèri francés de la Cultura.