Vueit

Un article de Wikipèdia, l'enciclopèdia liura.
Anar a : navigacion, Recercar
exemple de tèxte
Maquina de vueit entà har baishar la pression atmosferica apropià's d'ua mena de vueit

Lo vueit (var.void(e), vuege) qu'ei generaument definit com l'abséncia de matèria.

Dens la practica, aqueth abséncia de matèria que depend de l'escala e deu punt de vista ; per exempla, ua botelha qui deurè contiéner un liquide qu'ei considerat com vueit se contien pas sonque aire (qui ei en vertat un gas compausat de moleculas).

Deu punt de vista tecnic e industriau, lo vueit que pòt estar creat desempuish 1643 e l'experiéncia d'Evangelista Toricelli, en bèth aspirar l'aire contiengut dens un recipient (en lo bèth plear de mercuri e har baishar lo nivèu per la soa aubertura).

Dens l'espaci ua cèrta mena de vueit qu'existèish tanben dab la quasi abséncia de molecula. D'un punt de vista fisic, aqueth vueit que permet, per exemple d'evitar las friccion e donc que deisha qu'un còs en maviment e sia pas ralentit e, sens auta acceleracion ni consomacion d'energia, e demòre en maviment.

Totun, deu punt de vista de las particulas elementàrias, aqueth espaci quasi vueit d'atòm que contien particulas com neutrinos o fotons.

En mei d'aquò, un atòm qu'ei constituit d'ua nubla d'electron(s), d'un nuclèu (qui contine la quasi totalitat de la massa de l'atòm a maugrat d'estar hèra mei petit que'u son atòm) e mei que mei de vueit.