Thomas Hobbes
Un article de Wikipèdia, l'enciclopèdia liura.
 |
|
| Profession: | filosòf |
|---|---|
| País: | Anglatèrra |
| Data de naissença: | 5 d'abril de 1588 |
| Luòc de naissença: | Malmesbury, Wiltshire, Anglatèrra |
| Data de decès: | 4 de decembre de 1679 |
| Luòc de decès: | Derbyshire, Anglatèrra |
Thomas Hobbes (n. en 1588, m. en 1679) foguèt un filosòf anglés del sègle XVII. La siá frasa mai famosa, "Homo homini lupus èst" (latin: l'òme es un lop per l'òme), influida per la situacion de lo sieu país, que se trobava immergit en la Guèrra Civila Anglesa, soslinha la siá vision negativa de las interaccions socialas: l'òme dins estat de natura es inclinat a la guèrra de totes contra totes (bellum omnium contra omnes), una idèa de longa tradicion posteriora en la antropologia filosòfica. Es mai que mai conegut per lo sieu libre Leviatan, considerat coma lo primièr tractat modèrn de filosofia politica. En mai de lo sieu trabalh en aquela branca de la pensada, escriguèt sus istòria, geometria, teologia, etica, d'autres tipes de filosofia e teoria politica.
[Modificar] Biografia
Thomas Hobbes nasquèt en Anglatèrra, filh d'un clèrgue de Wesport. En 1603, realiza los sieus estudis al Magdalen Hall de la Universitat d'Oxford, ont s'impregna de filosofia escolàstica e de logica, per obténer lo graduat en 1608. Aquel meteis an se faguèt cargue del filh del comte de Devonshire, que s'introdusís mercés a el en la noblesa e los cercles intellectuales. En 1610, fa lo sieu primièr viatge sul continent europèu, ont Hobbes s'avisa de l'importanta inflència qu'a encara l'escolacistisme dins totes los domenis.
[Modificar] Pensada
Thomas Hobbes es un autor que sosca sus l' Origina de la Societat. Afirma aital que l'Òme es dolent per Natura (Homo homini Lupus: l'Òme es un lop per l'òme), e per aiçò dins l'estat de natura l'òme viu dins un estat de guèrra en comptant totes contra totes. Comprenèm per Estat de Natura, aquela situacion ipotetica que l'òme viviá en el segon la siá natura sens cap de tipe de limitacion de la part de l'Estat, doncas qu'aquel existissiá pas encara. Los òmes considèran qu'aquela situacion de guèrra de totes contra totes es insostenible, e per aiçò decidisson signar un Pacte (Lo Pacte Social) que renóncian per el a tota la siá libertat en de mans d'un Sobirà Lo Leviathan (lo que pòt èsser una persona o una Assemblada) per poder garantir la patz e l'estabilitat. Aital, libertat e Òrdre son totalament incompatibles a causa de la quita natura de l'òme, e cal renonciar a la Libertat per poder viure en patz. Cal dire que lo Sobiran signa pas lo Pacte, e doncas, el a pas perdut la siá libertat, mas li cal manténer en Pau l'Estat. Aquela vision politica es fòrça importanta doncas que se considèra pel primièr còp que l'origina del poder pas se divin, mas qu'es lo pòble qui autreja aquel poder, lo que es en de mans d'un Sobiran, qu'es pas mas un Representant del pòble, en s'establint aital, de la part de Hobbes, las basas del Liberalisme, sens que podèm lo considerar plenament Liberal.
[Modificar] Referéncias
- Bermudo, J.M. La Filosofía moderna y su proyección contemporánea. Barcanova. Barcelona 1983
- Russell, B. Historia de la Filosofía Occidental. Espasa. Madrid 1984
- Touchard, J. Historia de las ideas políticas. Tecnos. Madrid, 1988
