País de Fois

Un article de Wikipèdia, l'enciclopèdia liura.
(Redirigit dempuèi Comtat de Fois)
Anar a : navigacion, Recercar
Pagina d'ajuda sus l'omonimia Pels articles omonims, vejatz comtat (omonimia).
Blason dels Comtes de Fois.
Lo castèl de Fois.
Territòris de Ramon Rogièr de Fois coma vassal del rei d'Aragon (jaune) e vassal del comte de Tolosa (verd) en 1209.

Lo País de Fois, que tanben se sona istoricament lo Comtat de Fois (pron.: [ˈfujs], o localament [ˈfujʃ][1]), es una pichona region d'Occitània que s'intègra dins la granda region culturala de Lengadòc, e mai se foguèt longtemps una província distinta de Lengadòc (s'èra constituit al començament per la fusion del comtat de Carcassona amb la senhoriá de Fois). Foguèt un comtat occitan independent creat al sègle X per lo comte Bernat Rogièr de Fois, que venguèt après província dins l'organizacion francesa del Regim Ancian. Uèi es entièrament dins lo departament d'Arièja.

Lo País de Fois tanben se pòt considerar coma un gròs parçan que fedèra sièis pichons parçans: Agarnagués, Donasan, lo País de Fois-Seron, Pedagués, Savartés e lo Vic de Sòs.

La capitala es la vila de Fois.

Lo gentilici es foissenc -a.

Vejatz tanben[modificar | modificar la font]

Nòtas[modificar | modificar la font]

  1. L'ortografia oficiala e englobanta es Fois segon la nòrma d'Alibèrt, e non pas Foish.