Bigòrra

Un article de Wikipèdia, l'enciclopèdia liura.

Bigòrra es ua petita region d'Occitània que s'intègra ena grana region istorica de Gasconha e que cobreish ua part deths Pirenèus. Que's pòt considerar tanben coma un gròs parçan que fedèra eths quate petits parçans seguents: eth Naut Ador, eras Baronias Gasconas, Lavedan e eth País de Tarba.

Era soa capitala istorica es Tarba. Ua auta vila celèbra es Lorda.

Eth gentilici es bigordan -a.

Zòna d’invasion romana, Bigòrra que patí der'oposicion entre eras monarquias francesa e anglesa. Qu’estó eth lòc deras guèrras de religion abans de conéisher era temporada de prosperitat deth sègle XVIII.

Après era Revolucion, Bigòrra, federada dab l'encontrada vesia deras Quate Vaths, qu’estó reconeguda com lo departament deths Nauts Pirenèus mercés a Bertran Barèra, deputat deth Terç Estat.

Eth termalisme, er’epòca romantica ed eras aparicions dera Santa Verge a Lorda que balhèn ath país ua orientacion toristica. Era revolucion industriau que’s hesó dab era construccion de centraus idroelectricas mercés ath potenciau plan hòrt qu’arrepresentan eras ressorsas d’aiga. Eths Nauts Pirenèus que horniscón a França òmes e indústrias ath moment deras guèrras francoalemandas e qu’estón ua tèrra d’arcuelh entaths refugiats espanhòus. Tanben era fin deth sègle XIX, eth radicalisme que mestregè era vita politica de Bigòrra, despartida uei dab eths partits socialista e comunista (mei que mei ena banlèga de Tarba).

Regions culturalas e istoricas d'Occitània

Auvèrnhe • Bearn • Borbonés • Daufinat • Gasconha inclusent la Val d'Aran • Guiana inclusent Agenés, Carcin, Peiregòrd e Roergue • Lemosin inclusent la Marcha • Lengadòc inclusent lo País de Fois e Fenolhedés • Mónegue • País Niçard • Provença inclusent lo Comtat Venaicin • Valadas Occitanas • Velai (istoricament en Lengadòc) • Vivarés (istoricament en Lengadòc) Enclava de La Gàrdia

Regions culturaus e istoricas de França e de Navarra

Alsàcia • Anjau • Armanhac • Artés • Auvèrnhe • Aunis • Engolmés • Bearn • Berric • Bigòrra • Borbonés • Borgonha • Carcin • Champanha • Comtat de Fois • Comtat de Niça • Comtat Venaicin • Corsega • Daufinat • Bretanha • Flandra • Franc Comtat • Gasconha • Guiana •Isla de França • Lemosin • Lengadòc • Lorena • Lionés • Maine • Marcha • Nivernés • Normandia • Peiregòrd • Picardia • Orleanés • Peitau • Provença • Roergue • Rosselhon • Santonge • Savòia • Torena •

oc:Bigorra