Aubrac

Un article de Wikipèdia, l'enciclopèdia liura.
Anar a : navigacion, Recercar
Aubrac prèp de Nasbinal

Aubrac es un replanat d'origina volcanica del Massís Central. Constituís un parçan d'Occitània[1]. Es despartit entre las regions istoricas de Gavaudan, Roergue e Auvèrnha (e entre los departaments de Losera, Avairon e Cantal).


Delimitacion[modificar | modificar la font]

S'Aubrac es plan tipat tan culturalament coma pels païsatges, a pas cap d'unitat istorica. Foguèt totjorn despartit entre Auvèrnha (per una pichòta part), Roergue e Gavaudan als quals succedèron Cantal, Avairon e Losera. Lo punt d'encontre dels tres païses es la Crotz dels tres avesques.

L'Aubrac "pregond" es lo del naut platèu erbós, deboscat a l'Edat Mejana ont se tròban las estivas e qualques vilatges coma Nasbinal. Mas a l'oèst coma a l'èst los cantons granitics e mai boscarut de La Guiòla o Aumont d'Aubrac son tanben considerats coma part d'Aubrac e fan transicion amb la Viadèna e Marjarida.

Al sud lo platèu davala plan bruscament cap a la val d'Òlt.

Istòria[modificar | modificar la font]

Geografia e geologia[modificar | modificar la font]

L'altitud mejana es compresa entre 1000 m e 1400 m, e los punts culminants ne son los Trucs d'Aubrac (1440 m) e lo Senhal de Malhe Biau (1469 m). Lo clima es un clima montanhòl rude amb temperaturas fredas e fòrça nevadas e ventadas l'ivèrn.

L'istòria geologica d'Aubrac es comuna amb la dels autres cantons granitics del Massís Central. En -40 Ma lo vièlh sòcle granitic (granit de Marjarida, vièlh de -300 Ma) se tròba joslevat per l'orogenèsi pirenenca. Entre -8 Ma e -6 Ma lo volcanisme i es actiu e se constituís la zòna centrala basaltica del replanat, la pus nauta. Enfin Aubrac foguèt cobèrt al quaternari per de glacièrs qu'arrasèron lo replanat.

Idrologia[modificar | modificar la font]

Aubrac mena sas aigas pas que al bacin de Garona que siá per Òlt (los rius del Sud e Sud-oèst del replanat) o per Trueire (oèst, èst, centre e nòrd del replanat). Lo riu màger que a la font sus Aubrac es Bès, orientat sud-nòrd e qu'amassa las aigas del replanat central.

Aubrac es conegut per sos lacs e laquets d'origina glaciària (Lac de Sant Andeòl, Lac de Bòrn, Lac de Salhens, Lac de Sovairòl).

Comunas d'Aubrac[modificar | modificar la font]

Luòcs d'Aubrac[modificar | modificar la font]

crotz dels tres avesques

Nòtas[modificar | modificar la font]

  1. Segon la classificacion de Frederic Zégierman.





Etapa precedenta
Pelegrinatge de Sant Jacme de Compostèla
08 Coquille.jpg
Via Podiensis
Etapa seguenta