Gavaudan

Un article de Wikipèdia, l'enciclopèdia liura.
Anar a : navigacion, Recercar
Ancian blason de la província de Gavaudan

Gavaudan (forma classica) o Gevaudan o Gigaudan (formas popularas) es un país occitan situat dins lo Massís Central. Lo departament de Losera li correspond gaireben mas i cal tirar lo canton de Maruèis e i ajustar lo de Saug en Naut Léger e qualques comunas d'Ardecha. Son nom li ven de la tribú celtica dels Gabals.

Lo gentilici es gavaudanés -esa, gevaudanés -esa o gigaudian -ana

Gavaudan e Losera an de termièras particularament establas dins l'istòria: lo territòri dels Gabals devenguèt la ciutat romana del meteis nom que devenguèt l'avescat de Mende e a la Revolucion Francesa lo departament de Losera.

S'unitat i a dins las termièras istoricas, lo país es particularament variat e compartimentat. Destriem las regions seguentas:

Aquelas doas regions forman lo Naut Gavaudan o "Montanha".

Aquelas tres regions forman lo Bas Gavaudan (mai se lo mot es plan pauc emplegat e l'identitat gavaldanesa pus fosca)

Entre aquelas regions se tròban

Caduna d'aquelas regions es plan tipada e las lors termièras "culturalas" o "geograficas" correspondon pas a las termièras istoricas de Gavaudan. Aital Aubrac es a l'encòp en Gavaudan, Roergue e Auvèrnha, las Cevenas en Gavaudan, Vivarés e Cevenas Gardesas.