Salardú

Salardú Vilatge d'Aran
Glèisa de St Andrieu
País	Val d'Aran
Comunitat autonoma	Catalonha
Estat	Espanha
Terçon	Pujòlo
Municipi	Naut Aran
Poblacion	452 ab. (2006)

Salardú oficiaument (e Salardun en grafia englobanta etimologica) ei un vilatge, capitala deth municipi de Naut Aran, deth terçon de Pujòlo, laguens era comarca dera Val d'Aran.

Toponimia

Segon Xavier Delamarre, Salardú qu'èra Salāro-dūnon (dunon, « fòrt », donc « eth fòrt de *Salaros, inatestat, o de Salarus » (eth mot dunon qu'ei celtic, un determinant tanben celtic que sembla donc plausible).

Istòria

Per encausa dera sua situacion geografica estrategica, çò ei ara dintrada dera Val d'Aran peth Pòrt dera Bonaigua, ena epòca medievau siguèc fortificada. Er antic castèth ère situat en lòc on actuaument ei era glèisa. S'i vesen encara quauques rèstes dera fortificacion deth costat der absís.

Eth sector economic principau dera vila ei estat tradicionaument era agricultura e era ramaderia, totun aguesta activitat a mermat fòrça en seguida der interès pes espòrts d'ivèrn, subretot a Vaquèira-Beret.

Demografia

Era poblacion ei de 452 abitants (2006).

Lòcs d'interès

• Glèisa romanica de Sant Andrieu de Salardú, deth sègle XIII.
• Musèu dera mòla, on s'i pòt veire com foncionaven es antigues mòles (es molins d'aiga aranesi) que daten dera Edat Mejana tamb ua restauracion recenta.

Hèstes locaus

Eth singlar, qu'ei eth simbòl deth vilatge

• 3 de mai - Hèsta major de Santa Crotz
• 7 d'octobre - Hièra de Salardú
• 30 de novembre: Sant Andrieu