Vielha (Val d'Aran)
Vielha ei ua vila occitana e era capitau dera Val d'Aran. Cap deth municipi de Vielha e Mijaran e deth terçon de Castièro compte aperaquí 4.000 abitants (Vielha e Mijaran n'avie 5.474 abitants en 2014). Situada a 974 m d'altitud e ara confluéncia de Garona e der arriu Nere, aucupe ua posicion centrala laguens era val.
Istòria[modificar | Modificar lo còdi]
Era fondacion de Vielha semble pro antiga que se tròbe en ua situacion centrau, ara interseccion de divèrsi camins, coma eth camin reiau, que comunicaven era part nauta e bassa dera Val. Atau siguèc tradicionaument eth centre neuralgic e mès poblat d'Aran.
Eth centre originau dera vila se localizave long der arriu Nere. Antigament Vielha comptave un castèth que se trobave ath costat dera Glèisa de Sant Miquèu.
Era expansion notabla dera vila en sègle XIX se hec cap ath nòrd, totun ei gràcies ath torisme que Vielha cresquèc considerablament a partir dera segona mitat deth sègle XX. En 1970 estèc fusionada dens eth municipi de Vielha e Mijaran.[1]
Pr'amor dera sua proximitat a Nere patiguèc periodicament grèus aigats, que es mès grèus e recents siguèren en 1938 (tombèc 20 cases) e dempús en novembre de 1982.
Lòcs d'interès[modificar | Modificar lo còdi]
Referéncias[Modificar lo còdi]
- ↑ "Decreto 1283/1970, de 23 de abril, por el que se aprueba la fusión de los Municipios de Viella, Escuñau, Gausach, Arros y Vila, Betlan y Vilach, de la provincia de Lérida." Boletín oficial del Estado. Núm. 107, 5 de mayo de 1970, páginas 7033 a 7034.