Saez

Un article de Wikipèdia, l'enciclopèdia liura.
Damien Saez sus l'empont en Belgica en 2010

Damien Saez, o mai simplament Saez (prononciat [damjɛ̃ ˈsɛz] en francés, [saɛs] en occitan), es un cantaire, guitarrista e compositor de rock francés nascut en 1977 en Savòia e qu'a viscut lo començament de son enfància en Occitània (dins Aups de Provença Auta, puèi a Marselha dincas a sos uèit ans). Es de soca espanhòla per son paire e argeriana per sa maire. A viscut aprèp a Dijon (Borgonha) ont a aprés lo piano, puèi es partit en 1995 a París. Aital, a París, enregistra en 1999 son primièr album Jours étranges, qu'obteng còp-sèc de resson gràcias au tube Jeune et con. Aquesta cançon, succès ràdio de 1999, sortís tanben en single l'annada d'aprèp e dintra logicament dins los classaments de ventas de disques en França, en i pujant dincas a la 14e plaça au mes de mai de 2000[1].

Per sos tèxtes, Saez se presenta en pòrta-paraula contestatari d'una joventut desencantada e fòrça mesfisanta del monde consumerista e materialista dels adultes del sistèma (J'accuse, Jeunesse lève-toi, Mon Européenne), que daubunas de sas cançons sont quitament emplegadas dins las manifestacions dels Corsets Jaunes (Manu dans l'cul). Au lendoman del primièr torn de las eleccions presidencialas francesas de 2002, enregistra la cançon Fils de France per afirmar son ostilitat a la preséncia del candidat del Front Nacional (Jean-Marie Le Pen) al segond torn.

Musicalament, s'ausís plan qu'es influençat per Noir Désir, lo grop màger del rock francés au moment de la sortida de son primièr disc. D'autras li tròban una parentat de sa musica ambe la de Diabologum (Sauver cette étoile) o encara ambe la del grop britpop anglés Oasis (Jeune et con).

Discografia[modificar | Modificar lo còdi]

  • Jours étranges (1999)
  • God blesse (2002, doble album)
  • Debbie (2004)
  • Varsovie - L'Alhambra - Paris (2008, triple album)
  • A Lovers Prayer (2009)
  • J'accuse (2010)
  • Messina (2012, triple album)
  • Miami (2013)
  • L'oiseau Liberté (2016)
  • Lulu (2017, triple album)
  • #humanité (2016)
  • Ni dieu ni maître (2019)

Cançons mai conegudas[modificar | Modificar lo còdi]

  • Jeune et con (1999)
  • Sauver cette étoile (2000)
  • Sexe / solution (2002)[2]
  • J'veux qu'on baise sur ma tombe (2002)
  • Fils de France (2002)
  • Jeunesse lève-toi (2008)
  • Putains vous m'aurez plus (2008)
  • J'accuse (2010)
  • À nos amours (2012)
  • Mon Européenne (2017)
  • P'tite pute (2018)
  • Manu dans l'cul (2019)[3]

Referéncias[modificar | Modificar lo còdi]

  1. http://www.chartsinfrance.net/Saez/Jeune-et-con-s3559.html
  2. http://www.chartsinfrance.net/Saez/Sexe-Solution-sc4420.html
  3. https://observatoire-de-lantirepublicanisme.com/2020/05/20/manu-dans-lcul-quand-la-contestation-de-damien-saez-frole-lantirepublicanisme/