Résistons !

Un article de Wikipèdia, l'enciclopèdia liura.
Jan de Lassala (Joan Lassala)

Résistons !, de còps revirat en Resistiscam[1] en occitan, es un partit politic francés fondat lo 10 d'octobre de 2016 per lo deputat occitan de Bearn Jan de Lassala. Se definís coma "agrarista" (defensa de la ruralitat) e umanista. Se dtz tanben a l'encòp sobeiranista (fidel a l'Estat francés) e "localista" (en favor d'una economia de proximitat que't posca estalviar l'environament en baissar la marca carbona).

Eleccions legislativas de 2017[modificar | modificar la font]

Mapa de las candidaturas "Résistons !" a las eleccions legislativas de 2017 en Occitània

A las eleccions legislativas de França de 2017, sus 21 candidats presentats, 12 l'èran sus una circonscripcion occitana o occitano-basca (Bearn e Baiona). Jan de Lassala es estat lo sol deputat elegit de son partit sus la 4ena circonscripcion basco-biarnesa dels Pirenèus-Atlantics. Atal integrèt lo grop parlamentari Libertat e Territòris[2] ambe los tres deputats nacionalists de Regions e Pòbles Solidaris (R&PS) elegits en Corsega.

Eleccions regionalas de 2021 e eleccions presidencialas de 2022[modificar | modificar la font]

Tolosa, 10 d'abril de 2022 : "Bastir Occitània" e "Résistons !" fèstejan amassa lo resultat de Jan de Lassala al primièr torn de las eleccions presidencialas

A las eleccions regionalas de França de 2021, Résistons ! s'aliguèt en Aquitània au Moviment de la Ruralitat[3] (ancianament : "Caça, Pesca, Natura e Tradicions"), partit considerat de drecha, mentre qu'en Occitanià centrala, los sòcis del partit de Lassala t'an integrat la lista regionalista Bastir Occitània menada per Joan-Luc Davezac.[4]

En seguida d'aquò, lo Moviment de la Ruralitat, e mai especificamant a l'escala d'Occitània, Bastir Occitània, t'an militat per la campanha de Jan de Lassala a las eleccions presidencialas de 2022. Atal, Jan de Lassala obtenguèt sos melhors resultats en Corsega, Occitània e País Basc, en fasent mai de 10% dins los departaments occitans de Losera (10,05%), Gers (10,07%), Nauts Pirenèus (10,94%), e quitament mai de 12% dins lo departament occitano-basc dels Pirenèus Atlantics.

Eleccions legislativas de 2022[modificar | modificar la font]

Mapa de las candidaturas "Résistons !" a las eleccions legislativas de 2022 en Occitània

A las eleccions legislativas de França de 2022, sus 54 candidats presentats, 30 l'èran sus una circonscripcion occitana o occitano-basca (Bearn e Baiona), e quitament se i aguèt pas nat deputat elegit, lo Jan de Lassala el-meteis s'èra pas tornat presentar per rasons de santat[5], es tanben sus aquestas circonscripcions occitanas o occitano-bascas (Pirenèus Atlantics) qu'obtenguèron los milhors resultats.

Nòtas e referéncias[modificar | modificar la font]

  1. https://www.jornalet.com/nova/15026/legislativas-se-presentan-los-candidats-de-bastir-occitania
  2. https://www.lepoint.fr/politique/assemblee-jean-lassalle-rejoint-le-groupe-libertes-et-territoires-28-01-2020-2360015_20.php
  3. https://objectifaquitaine.latribune.fr/politique/2021-05-26/regionales-le-mouvement-de-la-ruralite-mise-sur-jean-lassalle-pour-marquer-les-esprits-885315.html
  4. https://www.francebleu.fr/infos/faits-divers-justice/regionale-bastir-occitanie-la-liste-regionaliste-menee-par-jean-luc-davezac-et-soutenue-par-jean-1621616973
  5. https://www.lefigaro.fr/politique/legislatives-jean-lassalle-ne-se-representera-pas-dans-les-pyrenees-atlantiques-20220502