Oïdium de la vinha
L’oïdium de la vinha es una malautiá parasitària fongica, tanben dicha cendrosa ò farinosa, qu'es causada per Erysiphe necator. S'ataca principalament ai plantas dau genre Vitis. Originària d'America dau Nòrd[1][2], se difusèt dins lei vinharedas deis autrei regions dau monde durant lo sègle XIX e entraïnèt plusors crisis viticòlas[3]. En Occitània, la malautiá es venguda endemica dins lei zònas mediterranèas e dins la vau de Ròse onte lei condicions caudas e umidas favorizan son mantenement. Amb lo rescaufament climatic, d'invasions dins leis autrei regions viticòlas occitanas son mai e mai frequentas. Lei simptòmas de la malautiá son divèrs car lo parasit pòu atacar totei lei partidas de la vinha. Lo pus frequent es la preséncia de tacas blanquinosas e grisassas e poussosas que s'estendon pauc a cha pauc sus lei fuelhs. Lei fruchs pòdon tanben èsser atacats e dessecats. En cas d'epidemias massisa, aquò redutz considerablament la recòlta. Lo tractament pus utilizat es la dispersion de soupre sus lei vinhas car aquel element permet d'empachar l'aparicion dau parasit e de lo destrurre en cas de contaminacion[3][4]. Dempuei leis ans 1970, es tanben possible d'utilizar de produchs antifongics pus complèxes, coma leis inibitors de la sintèsi deis esteròus, per eliminar la malautiá[5].
Liames intèrnes[modificar | Modificar lo còdi]
- Mildió, autra malautiá parasitària de la vinha.
- Parasitisme.
- Soupre.
- Vinha.
- Vin.
- Viticultura.
Bibliografia[modificar | Modificar lo còdi]
- (fr) Alain Reynier, Manuel de viticulture : guide technique du viticulteur, París, Éd. Tec & doc, 2011.
- (fr) Pierre Viala, Les maladies de la vigne, París, G. Masson, 3a edicion, 1893.
Nòtas e referéncias[modificar | Modificar lo còdi]
- ↑ (en) Uwe Braun, The Powdery Mildews (Erysiphales) of Europe, Springer, 1995.
- ↑ (en) Marin T. Brewer, « Phylogeography and population structure of the grape powdery mildew fungus, Erysiphe necator, from diverse Vitis species », BMC Evolutionary Biology, 2010, vol. 10, n° 1, pp. 268.
- ↑ 3,0 et 3,1 (fr) Alain Reynier, Manuel de viticulture : guide technique du viticulteur, París, Éd. Tec & doc, 2011.
- ↑ Lei fongicids a basa de soupre son generalament constituïts de soupre e d'additius permetent de mantenir lo produch sus lei fuelhs e de renforçar seis efiechs sus lo parasit.
- ↑ (fr) Agreste, « Fortes disparités de protection contre l'oïdium et le mildiou », Primeur, 2012, vol. 289.