Messerschmitt Bf 109

Un article de Wikipèdia, l'enciclopèdia liura.
Salta a la navegació Salta a la cerca
Fotografia d'un Bf 109 conservat en estat de vòl en 2005.

Lo Messerschmitt Bf 109 es un caçaire monomotor alemand concebut dins lo corrent deis ans 1930 durant lo rearmament d'Alemanha ordonat per Adolf Hitler. Bastit a l'entorn dau motor pus poderós disponible a l'epòca, aviá una cellula inspirada per leis estudis realizats per l'avion leugier Bf 108 e un armament corrècte (un canon de 20 mm e doas mitralhièras de 13 mm).

Intrat en servici dins la Luftwaffe en 1935, i foguèt utilizat durant la Guèrra Civila Espanhòla e la Segonda Guèrra Mondiala. Serviguèt tanben durant d'armadas aliadas dau Tresen Reich. Dominèt la màger part de seis adversaris durant la premiera partida de la guèrra e venguèt lo caçaire preferit de mai d'un pilòt alemand. Aquò durèt fins a 1942 e l'aparicion d'aparelhs pus competitius coma lei versions avançadas dau Supermarine Spitfire britanic ò lo Lavotchkine La-5. Pasmens, lo Bf 109 demorèt lo caçaire principau de l'armada alemanda car lei caçaires pus poderós èran malaisats de produrre en quantitat sufisenta.

Après 1945, de Bf 109 modificats per utilizar de motors ancians foguèron produchs en Checoslovaquia. Pasmens, sei performàncias èran mediòcras e 25 unitats foguèron vendudas en 1948 a Israèl que leis abandonèt mens d'un an pus tard. D'autrei versions modificadas, pus eficaças, foguèron utilizadas en Espanha fins a 1965. Au finau, 34 852 foguèron produchs entre 1935 e 1961.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]