ISU-152

Un article de Wikipèdia, l'enciclopèdia liura.
Anar a : navigacion, Recercar
ISU-152 expausat dins un musèu chinés.

L’ISU-152 es un canon automotor sovietic de la Segonda Guèrra Mondiala utilizat coma caçaire de carris e coma canon d'assaut.

Desvolopat a partir dau quadre dau carri pesuc IS-2, èra destinat au sostèn dei grops d'assauts e a l'ataca dei fortificacions alemands. Per aquò, dispausava dau blindatge important de son quadre (capable de resistir a de tirs de canons alemands de 75 mm) e èra equipat d'un obusièr de 152 mm tirant d'obús de 40 kg. Pasmens, lei Sovietics descurbiguèron rapidament son eficacitat còntra lei carris alemands, compres còntra de blindats ben protegits coma lo Tiger I ò lo Panther, e l'utilizèron donc regularament coma caçaire de carris. L’ISU-152 se destrièt tanben mai d'un còp dins son ròtle premier de canon automotor, especialament durant lei batalhas de batalha de Budapèst, de Konigsberg e de Berlin.

La produccion durèt de 1943 a 1947 e aperaquí 4 600 unitats sortiguèron deis usinas. Après 1945, demorèt en servici au sen de l'armada sovietica fins a 1959 e foguèt largament exportat vèrs leis autrei país dau blòt socialista. Egipte l'utilizèt fins a la Guèrra de Kippur e quauqueis exemplaris foguèron utilizats per Iraq fins a 1991.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]