Howard Walter Florey
| Howard Walter Florey | |
 | |
| Naissença | 24 de setembre de 1898 Adelaïda, Austràlia |
|---|---|
| Mòrt | 21 de febrièr de 1968 Oxford, Reialme Unit |
| País d'origina |  Austràlia |
| Distincions | Prèmi Nobel de Fisiologia o Medecina en 1945 |
modificar  |
|
Howard Walter Florey, Baron Florey (n. en 1898, m. en 1968) foguèt un biologista australian. Recebèt lo Prèmi Nobel de Fisiologia o Medecina en 1945.
Biografia
[modificar | Modificar lo còdi]Nasquèt lo 24 de setembre de 1898 dins la vila australiana d'Adelaïda, situada dins l'estat d'Austràlia Meridionala. Estudièt medecina a l'universitat d'Adelaïda, ont se graduèt lo 1921. Se transportèt a Anglatèrra per contunhar los sieus estudis a l'universitat d'Oxford, e lo 1927 se doctorèt a l'universitat de Cambridge. Foguèt nomenat professor de patologia a l'universitat de Sheffield l'an 1931, e lo 1935 retornèt a Oxford.
L'an 1944 foguèt nomenat Cavalièr de la part del rei Jòrdi VI del Reialme Unit e lo 1965 li foguèt concedit lo títol de "Baron Florey d'Adelaïda". L'an 1958 foguèt nomenat president de la Royal Society de Londres, carga qu'abandonèt lo 1965. Moriguèt lo 21 de febrièr de 1968 a la siá residéncia de Oxford a consequéncia d'un infart de miocardi.
Recèrca scientifica
[modificar | Modificar lo còdi]Durant lo sieu sojorn a l'Universitat de Oxford foguèt l'encargat de dirigir un grop d'investigadors qu'inicièron un estudi sus la penicillina, l'activitat antibiotica que n'èra estat descobèrta per Alexander Fleming dètz ans abans. Florey Convidèt al grop de recèrca Ernst Boris Chain, qu'atenguèt amb el extraire la penicillina dels cultius del fungi Penicillium notatum e sa purificacion mejançant metòdes quimics, objectiu qu'ambedós investigadors atenguèron l'an 1940.