Gave de Pau

Lo Gave de Pau que passa per Pau

Lo Gave de Pau enter *Argagnon e *Maslacq (fr)

Lo Gave de Pau qu'ei un arriu pirenenc qu'a la soa hont en Bigòrra puish qu' arraja en Bearn dinc a las Lanas en Gasconha, Occitània.

Lo tèrme « gave » que designa un cors d'aiga dens la zòna deus Pirenèus occidentaus. Que's tracta d'un mot d'origina precèlta hèra utilizat en aquesta zòna, dinc au punt que hèra d'arrius e s'an perdut d'un sègle ençà los noms originaus entà vàder lo gave de....

La soa hont que's situa dens l'Area de Gavarnia qui ho classificat en 1997 au Patrimòni de l'Umanitat per l'UNESCO, que's tròba en Bigòrra (departament deus Hauts Pirenèus) . Aqueth arriu vadut a Gavarnia que comença de s'anomenar Gave de Pau a partir de Lus e Sant Sauvaire, on arrecuelh las aigas deu Gave de Gavarnia e las deu Bastan. A partir de la confluéncia dab lo Gave d'Auloron, que pren lo nom de Gaves Reünits, abans de lançar las soas aigas dens Ador a Pèira Horada, dens las Lanas.

Enter las honts qui alimentan lo Gave de Pau, que i a la famosa hont, de reputacion miraculosa, de Lorda.

Vilas traversadas

Lus e Sant Sauvaire, Lorda, Nai, Pau, Ortès, Labatut

Principaus afluents

• Arriba esquèrra: Osom, Bés, Nés, Las Hies, Baïsa, Gave d'Auloron.
• Arriba dreta: *Ousse (fr), *Lagoin (fr).

Notas e referéncias

Bearn