Era Hita (Nestés, Bigòrra)

Era Hita (Lahitte en francés) qu'ei ua anciana comuna gascoa d'Occitània, situada en Bigòrra, dens eth departament deths Hauts Pirenèus dera region d' Occitània Pirenèus Mediterranèa.

Geografia

Tròç d'era mapa de Cassini (énter 1756 et 1789) que situa Era Hita; Prat qu'ei au sud-èst e Avesac, qui non se ved, qu'ei a l'èst

Era anciana comuna d'Era Hita qu'ei la partida oèst d'era comuna d'Avesac, Prat e era Hita. Eth ancian borg, qui ei petit, qu'ei situat a 570 m, sus ua tecoèra enter la vath d'Arròs a l'oèst, la coma d'un riu qui s'escampa dens son afluent d'arriba dreta Avesaguet, au nòrd, e la coma d'un aute arriu au sud. Deth vilatge estant, que i a beròias vistas sus eths Pirenèus, mèi que mèi eth Pic de Mieidia de Bigòrra.

Toponimia

Era prononciacion qu'ei ['éra 'hita]. Eth nom d'Era Hita (atestacions ancianas A La Fita en las Seubas, cap a 1200-1230, en occitan, De Fita prope Auezacum, en 1313, en latin, De Fita, en 1342, en latin, La Hitte, ad era fin deu sègle XVIII, sus era mapa de Cassini ) que vien deu latin ficta [petra] e que pòt representar ua bòrna a un limit de comuna, sus un ancian camin, etc , o ua pèira levada (monument megalitic) , meilèu aquera solucion que non pas un limit, pr'amor totas eras comunas vesinas que son deth Nebosan.

Istòria

En 1972, era comuna d'Avesac e Prat qu'annexè era de Era Hita .

Administracion

Ad era Revolucion, era comuna qu'èra deu canton de Lanamesa. En 1801, que la hiquèn dens eth Canton de La Barta de Nestés.

Demografia

Evolucion demografica Populacion comunala actuala (2013): 564, totala: 570
1793	1800	1806	1821	1831	1836	1841	1846	1851
123	131	126	171	193	177	174	175	177
1856	1861	1866	1872	1876	1881	1886	1891	1896
184	174	192	179	178	171	154	160	137
1901	1906	1911	1921	1926	1931	1936	1946	1954
143	136	130	107	99	83	82	79	64
1962	1968	1975	1982	1990	1999	2006	2007	2008
59	51			Cercar	Cercar	548	563	577 586
2009	2010
572 579	569 575
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• Eras donadas de la fin deu grafic que son era populacion d'era comuna sancèra d'Avesac, Prat e era Hita. Que son necessàrias enta hèr foncionar eth grafic.

Lòcs e monuments

• Glèisa Sant (Sent ?) Miquèu.