Vejatz lo contengut

Carri de cavalariá

Aqueste article es redigit en provençau.
Un article de Wikipèdia, l'enciclopèdia liura.

Carri de cavalariá Covenanter, un modèl britanic utilizat de 1939 a 1945.

Lo carri de cavalariá es un tipe de carri de combat utilizat durant l'entre doas guèrras e au començament de la Segonda Guèrra Mondiala. Èra caracterizat per un blindatge leugier mai una mobilitat importanta que deviá lo protegir còntra lei tirs enemics. En certanei modèls, per accelerar mai la velocitat, l'armament chausit èra egalament leugier.

Istòria[modificar | Modificar lo còdi]

Lo concèpte foguèt imaginat per lei Sovietics que desvolopèron lei carris BT a partir de 1930 e per lei Britanics amb la familha dei carris Cruiser. Dins lei dos cas, plusors modèls foguèron adoptadas per leis armadas d'aquelei país. Lei carris de cavalariá sovietics obtenguèron de resultats corrèctes durant la Guèrra d'Espanha (1936-1939) ò durant lei combats còntra lei Japonés (1939), especialament lo BT-7. Dins l'armada britanica, de resultats identics foguèron obtenguts au començament de la Segonda Guèrra Mondiala car leis Alemands utilizavan subretot de carris pauc protegits coma lei Panzer I e II.

Pasmens, tre 1941, lei limits dau carri de cavalariá apareguèron. D'efiech, dins de prats batalhiers saturats per lo fuòc enemic, la velocitat èra pas una proteccion eficaça. De mai, l'armament dei Cruiser e dei BT venguèt rapidament insufisent per traucar lo blindatge de carris mejans coma lo Panzer IV. La produccion de carris de cavalariá foguèt donc arrestada. De carris de cavalariá participèron ai combats en Africa en 1941-1942. L'Armada Roja perdiguèt la mitat de sei BT-7 durant l'invasion alemanda de 1941. Dins aquò, lei subrevivents foguèron utilizats fins a 1945.

En despiech de la revirada dau concèpte de carri de cavalariá, l'experiéncia aquistada per leis engenhaires militars britanics e sovietics foguèron fòrça utila. Per lei Britanics, lei carris Cruiser foguèron a l'origina dau Centurion, un dei premiers carris de combat principaus. En URSS, lo BT-7 inspirèt la concepcion dau T-34.

Annèxas[modificar | Modificar lo còdi]

Liames intèrnes[modificar | Modificar lo còdi]

Bibliografia[modificar | Modificar lo còdi]

  • (en) J. Plant, Cruiser Tank Warfare, New Generation, 2014.

Nòtas e referéncias[modificar | Modificar lo còdi]