BT-7
Lo BT-7 es un carri de cavalariá sovietic de la Segonda Guèrra Mondiala. Concebut dins lo corrent deis ans 1930, èra lo modèl pus sofisticat dei carris de la seria BT. D'efiech, lei Sovietics avián estudiat lei defauts dei BT precedents per fabricar un blindat dotat d'un blindatge renforçat de 13 a 22 mm, d'una motorizacion pus fisabla e d'un armament aumentat amb l'installacion d'una segonda mitralhièra. 5 753 exemplaris foguèron produchs entre 1935 e 1940.
Lo BT-7 participèt a la guèrra d'Espanhae ai guèrras implicant dirèctament l'Union Sovietica entre 1939 e 1945. Obtenguèt de succès quand foguèt utilizat coma carri de cavalariá en Espanha, en Polonha e en Manchoria. En revènge, foguèt utilizat coma veïcul de sostèn d'infantariá amb de resultats marrits en Finlàndia durant la Guèrra d'Ivèrn. Còntra leis Alemands, lo BT-7 èra obsolèt en 1941 en causa de son blindatge vengut tròp feble per arrestar lei projectils anticarri. Fòrça unitats foguèron tanben capturats en causa deis errors de comandament de l'Armada Roja. Lei veïculs subrevivents foguèron pauc a cha pauc remplaçats per lo T-34 dins leis unitats de combat e transferits vèrs leis unitats de reconoissença.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (fr) Yves Buffetaut, « Les chars rapides BT-5 et BT-7 », Armes et Militaria, n° 124.