Arrondiment de Florac

Arrondiment de Florac
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Administracion
País	França
Region	Occitània (region administrativa)
Departament	Losera
Còde INSEE	481
Sosprefectura	Florac
Estatisticas
Populacion (2022)	13 093 ab. (sens comptes dobles) 13 599 ab. (totala)
Superfícia	1 687,5 km²
Densitat	7,76 ab./km²
Subdivisions
Comunas	38

L'Arrondiment de Florac es una division administrativa e una anciana division electorala francesa situada dins la region d'Occitània, ancianament de Lengadòc-Rosselhon e lo departament francés de Losera. Lo capluòc es la vila gavaudanesa de Florac. L'arrondiment s'espandís mai que mai en Gavaudan. La lenga autoctòna es l'occitan lengadocian, subretot gavaudanés meridional e parlars aparentats (ca- e ga- latins i menan a ca- e a ga-).

Istòria

L'arrondiment se creèt en 1800 dins lo departament de Losera. Lo 10 de setembre de 1926, la supression de l'arrondiment de Maruèjols, que passèt entièrament dins lo de Mende, modifiquèt pas l'arrondiment de Florac.

Composicion entrò 2015

L'arrondiment de Florac se compausava de 7 cantons (la populacion es de 2009):

• Canton de Barra de las Cevenas (8 comunas e 1209 abitants);
• Canton de Florac (9 comunas e 4059 abitants);
• Canton du Mas Segran (5 comunas e 915 abitants);
• Canton de Maruèis (6 comunas e 1409 abitants);
• Canton del Pònt de Montverd (6 comunas e 1269 abitants);
• Canton de Sent German de Calbèrta (11 comunas e 3042 abitants);
• Canton de Santa Enimia (5 comunas e 1251 abitants).

Composicion a partir de 2015

Dempuèi 2015, los limits dels cantons novèls pòdon èsser acavalats sus dos arrondiments e lo nombre de comunas pòt variar en seguida de la creacion de comunas novèlas. De mai, lo 1èr de genièr de 2017, los arrondiments foguèron atermenats autrament per tal de s'adaptar als limits de las intercomunalitats. Per l'arrondiment de Florac, e per tot lo departament, la creacion de comunas novèlas faguèt fòrça baissar lo nombre de comunas, mas en 2017, lo limit entre l'arrondiment de Florac e lo de Mende demorèt çò qu'èra. Lo nombre de comunas de l'arrondiment de Florac es aital de 50 en 2015, 44 en 2016 e 38 en 2017 e en 2020 .

L'arrondiment de Florac demòra aital, e de luènh, lo mens espandit (1 687,5 km²) e lo mens poblat (13 119 abitants en 2018) del departament.

Los cantons e arrondiments de Losera (en francés)

Los cantons novèls e los arrondiments de Losera (en subrestampatge e en matises de blau). Mapa en francés.