Arrondiment d'Auloron
|
Arrondiment d'Auloron | |
|---|---|
 Situacion de l'arrondiment d'Auloron dins lo departament | |
| Administracion | |
| País | França |
| Region | Nòva Aquitània  |
| Departament | Pirenèus Atlantics  |
| Còde INSEE | 642 |
| Sosprefectura | Auloron |
| Estatisticas | |
| Populacion (2022) | 71 846 ab. (sens comptes dobles) 74 497 ab. (totala) |
| Superfícia | 2 828,2 km² |
| Densitat | 25,4 ab./km² |
| Subdivisions | |
| Comunas | 155 |
L'arrondiment d'Auloron qu'ei ua division administrativa e ua anciana division electorau [1] francesa situada en Bearn, dens lo departament deus Pirenèus Atlantics e la region de Navèra Aquitània, abans d'Aquitània. Las lengas autoctònas que son l'occitan gascon dens la varianta bearnesa e lo basco.
Istòria
[modificar | modificar lo còdi]L'arrondiment que's creè en 1800. Que'u modifiquèn en 1926 quan dispareishón los ancians arrondiments de Maulion e d'Ortès.
Dab la refòrma cantonau de 2014, aplicada en 2015, lo nombre de cantons qu'estó dividit per dus, un canton navèth que pòt estar sus dus arrondiments.
En 2017, que modifiquèn la composicion deus arrondiments per tau de'us adaptar aus limits de las intercomunalitats e de las circonscripcions legislativas. L'arrondiment d'Auloron que perdó las comunas d'Abòs, Aubertin, Cardessa, Cuqueron, La Comanda, La Horcada, Luc, Monenh, Parbaïsa, Pardias e Tarsac, qui partín tà l'arrondiment de Pau. Que ganhè las comunas de Autarriba, La Bastida (Lauhire), Berencs, Carressa e Cassabè, Castanheda, Escòs, Lahontan, Lèren, Sendòs, Sent Pèr de Lèren e Salias, qui èran de l'arrondiment de Pau. La comuna occitana de Gestars que passè de l'arrondiment de Baiona a l'arrondiment d'Auloron [2].
Composicion dinc a 2015
[modificar | modificar lo còdi]Abans 2014 l'arrondiment que's compausava de 12 cantons:
- Canton d'Acós
- Canton d'Aràmits
- Canton d'Arudi
- Canton d'Auloron Davant
- Canton d'Auloron Darrèr
- Canton de Laruntz
- Canton de La Seuva
- Canton de Maulion
- Canton de Monenh
- Canton de Navarrencs
- Canton de Sauvatèrra (Bearn)
- Canton de Tardets-Sorholus
Composicion de 2017 ençà
[modificar | modificar lo còdi]Lo nombre de comunas qu'èra de 156. La modificacion deus arrondiments n'i cambiè pas arren. Mès pr'amor de la fusion énter Ansa e Hiars dens la comuna navèra de Ansa e Hiars, lo nombre qu'ei de 155 despuish 2017.
Nòtas e referéncias
[modificar | modificar lo còdi]- ↑ dinc a la fin de la Tresau Republica peus conselhèrs d'arrondiment e per l'eleccion deus deputats
- ↑ https://www.sudouest.fr/2017/01/10/a-quoi-servent-donc-les-arrondissements-3089754-4316.php
