Institut d'Estudis Occitans

Un article de Wikipèdia, l'enciclopèdia liura.
Anar a : navigacion, Recercar

L'Institut d'Estudis Occitans (IEO) es una associacion culturala segon la lei de 1901, creada en 1945. Faguèt seguida a la Societat d'Estudis Occitans, que foguèt dissolguda en 1946. A per tòca lo manten e lo desvolopament de la lenga e de la cultura occitanas per la direccion, l'armonizacion e la normalizacion de totes los trabalhs que pertòcan la cultura occitana dins son ensemble. L'IEO es sòci del Congrès permanent de la lenga occitana.

L'IEO es organizat en seccions regionalas, seccions departamentalas o cercles locals que s'espandisson dins l'ensemble de l'espaci occitan.

En mai d'aquò, diferents sectors o associacions afiliadas o membres de l'IEO s'ocupan d'activitats especificas.

L'IEO es una associacion segon la lei de 1901, reconeguda d'utilitat publica (1949) e joinesa e educacion populara (1986).

Presidents de l'IEO[modificar | modificar la font]

Lògo ancian de l'IEO e sa devisa.

Las seccions regionalas[modificar | modificar la font]

Sectors e associacions afiliadas[modificar | modificar la font]

IEO-IDECO sector edicion-difusion de l'IEO[modificar | modificar la font]

L'IDECO es lo sector edicion e difusion de l'Institut d'Estudis Occitans.
Basat a Puèglaurenç, l'IDECO assegura d'un costat l'edicion de libres en occitan o sus la lenga e la cultura occitanas – çò que representa a l'entorn de 80 % dels libres publicats en occitan – e, d'un autre costat, la difusion de la màger part de la produccion culturala occitana.

EOE[modificar | modificar la font]

Escòla Occitana d'Estiu de Vilanuèva d'Òlt (EOE)
L'Escòla Occitana d'Estiu es una associacion afiliada a l'IEO qu'organiza dempuei 1975 una setmana d'estagi sus la lenga e la cultura occitanas al mes d'agost, a Vilanuèva d'Òlt (departament d'Òlt e Garona). Dempuei un an, organiza en mai d'aquò un estagi d'ivèrn entre Nadal e lo Cap d'An a Germ, dins los Pirenèus, a costat de l'estacion d'esquí de Pèiraguda. L'EOE publica tanben una revista, Camins d'estiu.

UOE[modificar | modificar la font]

Universitat Occitana d'Estiu de Nimes (UOE)
L'Universitat Occitana d'Estiu (UOE) es organizada cada an per la MARPOC e la seccion de Gard de l'IEO. Aquò es una setmana dedicada a la coneissença de la cultura occitana que se debana a Nimes pendent l'estiu. UOE

Ofici per l'Occitan[modificar | modificar la font]

Tot en òc[modificar | modificar la font]

Associacion creada en 2010, que la tòca es, sus totes los territòris ont se parla la lenga occitana, en particular, e endacòm mai per via electronica, de provesir d'espleches e de traduire d'interfàcias per tot mèdia electronic e informatic en lenga occitana.

Controvèrsias[modificar | modificar la font]

L'IEO patiguèt qualques crisis long de son istòria. La pus aguda se passèt a la fin dels ans 1970 e a l'inici dels ans 1980, quand s'afrontèron doas tendéncias: una qualificada de "populista", menada per Ives Roqueta e qu'aviá accedit al poder, e una qualificada d'"universitària" menada per Robèrt Lafont. En 1981, la tendéncia "universitària", amb Robèrt Lafont en tèsta, foguèt obligada de quitar l'IEO. Aquò faguèt desaparéisser gaireben completament las activitats de recèrca scientifica a l'IEO, que migrèron cap a d'organismes distints coma las universitats e l'Associacion Internacionala d'Estudis Occitans e, especialament en lingüistica, cap al Gidilòc e al Conselh de la Lenga Occitana. Totun, l'IEO a conservat fins a uèi un ròtle essencial dins lo domeni de l'animacion culturala e dins l'aculhença per defaut d'un grand nombre dels militants de la cultura occitana.

Coordenadas[modificar | modificar la font]

Ostal d'Occitània
11, carrièra Malcosinat
31000 Tolosa

Ligam[modificar | modificar la font]