Felip Carbona

Un article de Wikipèdia, l'enciclopèdia liura.
Anar a : navigacion, Recercar
Felip Carbona

Felip Carbona (Fois, 16 de julh de 1944 [1]) es un matematician e universitari occitan. Foguèt president de l'Institut d'Estudis Occitans de 1997 a 2001 e es actualament membre del Grop de Lingüistica Occitana.

Biografia[modificar | modificar la font]

Felip Carbona nasquèt a Fois en 1944. Anèt a l'Escòla Normala Superiora e obtenguèt puèi l'agregacion e lo doctorat d’Estat en matematicas [2]. Pasmens se limitèt pas als estudis scientifics vist que ten una mestresa de Letras Modèrnas. Ensenhèt las matematicas e mai l’occitan a l'Universitat de Tolosa e s'engatgèt d'a fons dins l'occitanisme. Foguèt vicepresident responsable del sector de recèrca de l'Institut d'Estudis Occitans entre 1981 e 1986 abans de ne venir son president de 1998 a 2002. A mai foguèt president de l'Escòla Occitana de 1995 a 1998.

Per son prètzfach recebèt mantun prèmi coma lo de l’Acadèmia dels Jòcs Florals, en 1980 lo prèmi Josèp Salvat, lo prèmi Pau Froment, lo prèmi Pèire Godolin e mai lo Jansemin d'argent.

A la retirada dempuèi qualques ans contunha pasmens d'èsser actiu dins l'occitanisme. Es actualament president del Collègi d'Occitània e contunha de dirigir la revista lo Gai saber que capitaneja dempuèi 1982. Es tanben un dels membres de l'Acadèmia Occitana-Consistòri del Gai Saber.

Òbras[modificar | modificar la font]

  • Traucs dins lo nonrés (2004)
  • Divèrses articles dins los Quasèrns de lingüistica occitana.
  • Camparòls, Ensag de nomenclatura (1996)
  • Lo romavatge avorat dins los Actes du colloque J. Salvat (1989).

Referéncias[modificar | modificar la font]

Ligams extèrnes[modificar | modificar la font]

Precedit per
Robèrt Martí
Logo IEO.gif
President de l'IEO
1997 - 2001
Seguit per
Dàvid Grosclaude