Centre de Formacion Professionala d'Occitània-Miègjorn-Pirenèus
Lo Centre de Formacion Professionala d'Occitània Miègjorn-Pirenèus (CFPO-MP) es una associacion culturala segon la lei de 1901 que nasquèt en 1997 a Tolosa. Es un organisme professional al servici de la transmission de la lenga e la cultura occitanas als adultes.
Assegura aquela transmission en prepausant d'estagis e corses per tot public o especificament a l'usatge dels professionals. Lèu, deuriá metre tanben en plaça una formacion de formators "de contunh".
Lo CFPO-MP a per vocacion de prepausar als estajants de la Region de Miègjorn-Pirenèus una ofèrta professionala per la lenga e la cultura occitanas. La tòca es de provesir a cadun los mejans de perfeccionar sas coneissenças en occitan, tant coma se pòt far per d'autras lengas mai espandidas.
La part màger de l'activitat del Centre tòca la formacion per los que la lenga lor fa mestièr dins la practica professionala. Organizarà tanben lèu una formacion pels formators en lenga e cultura occitanas.
Lo CFPO-MP fa part de la ret dels Centres de formacion professionala occitan que s'estructura dins tres regions occitanas : Lengadòc-Rosselhon (Besièrs), Aquitània (Ortès) e Miègjorn-Pirenèus (Tolosa).
Lo CFPO-MP prepausa divèrsas formacions, caduna adobada amb d'exigéncias de qualitat precisas :
- Los estagis. Formacions intensivas d'un a tres jorns en immersion lingüistica. S'i tròban mescladas mantuna activitat que permeton d'aquesir o de perfeccionar la lenga, e d'aspèctes de la cultura.
- Los setmanièrs. Corses del ser de cada setmana assegurats per un formator professional.
- Formacion a distància en e-learning
- Formacions individualas
Las formacions del CFPO M-P son concebudas a respècte de lo Quadre Comun Europèu de Referéncia per las Lengas (QECRL). Cada formator lo coneis e l'utiliza.
Per acabar, las formacions inicialas que lo CFPO M-P prepausa lo diplòma " ESCAPOLAIRE " per validar lo nivèl de competéncia al cap de dos ans d'aprendissatge en cors del ser. Aqueste diplòma, alestit pel CFPO de Besièrs a respècte de las marcas del QECRL, es lo primièr diplòma d'aquela mena per la lenga occitana. Certifica un nivèl de lenga a l'oral e a l'escrich que correspond al nivèl A2 del QECRL, qualificat de « nivèl de subrevida » dins la lenga. Lo prepausa als estagiaris volontaris.
Lo CFPO-MP es reconeguda coma Centre de Formation Professionala per la prefectura de Miègjorn-Pirenèus. A aquel títol, pòt beneficiar de finançament per la formacion continua dins lo quadre de plans de formarcion, DIF o CIF.
[modificar] Contacte
Ostal d’Occitània
11 carrièra Malcosinat
31000 TOLOSA
tel :0561239931
.svg){kind=small}
