Centre de Formacion Professionala Occitan Lengadòc

Lo Centre de Formacion Professionala Occitan es una associacion que nasquèt l'11 d'abril de 1994 a Besièrs. La tòca es la formacion a la lenga occitana per totes, mas tanben la gestion de l’environ d’aquesta formacion e tot çò qu’es ligat a la cultura e a la lenga en general. Dempuèi 1996, es convencionada per la Region de Lengadòc-Rosselhon dins l'encastre del Programa Regional Qualificant.

S'i pòt seguir de formacions per animar d'estagis e prene en carga de corses setmanièrs. Per aprestar lo mond al diplòma d'"Escapolaire" (primièr nivèl), e pel segond nivèl qu'òm amagèstra, o tanben, per ajudar las collectivitats localas per la lenga e la cultura occitanas (traduccions de panèls, proposicions de vesitas guidadas de monuments e informacion en occitan...) e per la formacion de lor personal.

S'i pòt formar lo mond qu'an lo sens de la comunicacion e de la relacion umana, que sabon parlar e escriure en occitan. Devon desirar de trabalhar per promòure la lenga occitana e l'ensenhar a d'adultes.

Istoric[modificar | Modificar lo còdi]

1994 : naissença de l'associacion a Besièrs.
1997 : lo CFPO comença de prepausar las accions de formacion de contunh pels regents titulars de las Calandretas.
2000 : lo CFPO comença d'assegurar de la formacion dels formators professionals pel “Programa Parlar”.

Formacions prepausadas[modificar | Modificar lo còdi]

Los Setmanièrs, los estagis Parlar de nivèl començaire o avançat.
Formacions professionalas qualificantas :
- Primièra annada de formacion dels Regents de las Calandretas
- Formacion de formators professionals en lenga e cultura occitanas modèrnas
Formacion professionala pre-qualificanta :
- Preparacion als mestièrs ligats a la cultura occitana e aprendissatge de l’occitan modèrne
Formacion continua dels ensenhaires de las escòlas immersivas (Bressola, Calandreta, Diwan, Seaska e Zweisprachigkeit).