Ostau dau País Marselhés

Un article de Wikipèdia, l'enciclopèdia liura.
Anar a : navigacion, Recercar

L'Ostau dau País Marselhés (OPM) es una associacion culturala regida per la lei de 1901 e creada en 2000. Seis estatuts senhalan sa volontat de metre en valor la lenga e de la cultura occitanas dins lo relarg marselhés. Es au còp afiliat a l'IEO e a la Federacion deis Ostaus de País. L'a gaireben 150 sòcis dins l'associacion e son budget annuau es d'aperaquí 40 000 èuros. Si definís pasmens l'associacion coma bèu premier marselhesa puslèu qu'occitanista stricto sensu.

Activitats regularas[modificar | modificar la font]

Cors de lenga[modificar | modificar la font]

L'Ostau dau País Marselhés organiza cada setmana un cors d'occitan per lei sieus sòcis. Aquelei cors an per amira l'aprendissatge de la lenga d'òc mai tanben la descubèrta de sa cultura, en fent plaça a mantun tèxte eissit dau patrimòni d'òc dins l'ensems de son territòri.

Conferéncias[modificar | modificar la font]

L'Ostau organiza de conferéncias aguent per tòca de subjèctes divèrs, pas forçadament liats a la lenga e la cultura d'Òc. Demieg leis intervenents, Felip Martèl, Renat Mèrle mai tanben de cabils venguts presentar lo movement Aarch dins son país tant coma de creòls presentant sa cultura.

Mòstras[modificar | modificar la font]

L'Ostau aculhís un còp cada doi mes de mòstras d'artistas marselhés, aguent ò non un liame amb la cultura d'òc

Activitats pontualas[modificar | modificar la font]

Publicacions[modificar | modificar la font]

En 2003, l'Ostau dau País Marselhés publiquèt lei Cançons Provençalas de Victor Gelu, adaptadas a la grafia classica amb una novèla traduccion e un C.D. recampant d'artistas variats. Aquela novèla edicion foguèt denonciada per un agropament d'escriveires provençaus per escandalosa, estent sa normalizacion grafica qu'anava au còntra de la volontat de Victor Gelu que revendicava la non-coeréncia de son biais de transcriure l'occitan. l'Ostau publiquèt tanben en 2010 un recuelh de poesias mesas en musica per d'artistas occitans, e que recampa de poèmas inedits de l'autor arlatenc Rotland Pecot. En 2006, se publiquèt en cò deis Edicions Agone una Istòria Universala de Marselha, escricha per un dei fondadors de l'associacion, Alessi Dell'Umbria.

Concèrts[modificar | modificar la font]

L'Ostau organiza pontualament de concèrts, que siegue en plen èr ò dins de salas marselhesas. Aquelei concèrts s'organizan generalament en collaboracion amb d'autreis estructuras Marselhesas (MicMac, Chorma <Chourmo>, Lo Liame).

Carnaval[modificar | modificar la font]

Cada annada, l'Ostau participa au Carnaval de la Plana, carnaval non oficiau que se metèt en plaça en 1999, sus lo modèl dau Carnaval de Sant Ròc que si debana a Niça, en reaccion au Carnaval institucionalizat de la comuna. Aqueu Carnaval recampa mantuna associacion mai per de rasons politicas es oficialament "sauvatge". Se basa sus la tradicion carnavalenca provençala de Carnaval. Caramentrant, que càmbia cada an, lo passejan dins lo quartier de la Plana puei lo jutjan e fin finala lo creman. Despuei sa creacion, jamai lo sauvèron pas, maugrat lo gaubi de son defensor, Mèstre Marcamau.

Collaboracions[modificar | modificar la font]

L'Ostau collabòra dins seis activitats amb fòrça associacions, que siegan especificament ligadas a la dinamica occitana o non : MicMac, Massilia Chourmo, Lo Liame, la Companhiá dau Lamparò, IEO-13, CREO Provença, le Mille-Pattes, lo Tipi e pus recentament, l'associacion Creòla en País Marselhés que foguèt creada per l'Ostau e un ensems d'associacions creòlas.

Vejatz tanben[modificar | modificar la font]

Liames intèrnes[modificar | modificar la font]

Liames extèrnes[modificar | modificar la font]