Yes

Un article de Wikipèdia, l'enciclopèdia liura.
Yes sus l'empont en 1977 a Indianapòlis (Estats Units)

Yes (Òc, en anglés) es un grop britanic de ròck, originari de Londres (Anglatèrra), considerat còsta Pink Floyd, Jethro Tull e Genesis coma un dels pionièrs del ròck progressiu[1].

Format en 1968, la primièra formacion del grop Yes compren lo cantaire Jon Anderson, lo guitarrista Peter Banks, lo bassista Chris Squire, lo pianista-organista Tony Kaye e lo bataire Bill Bruford. Tony Anderson, lo fraire de Jon Anderson, el es a l'epòca un sòci del grop de ròck espanhòl Los Bravos.

Lo grop sortís dos primièrs albums, Yes en 1969 e Time and a Word en 1970, gràcia a los quals se fa apreciar per sos adobaments elaborats sus d'interpretacions de cançons coma Every Little Thing (represa dels Beatles) o I See You (represa dels Byrds). De caps 1970, lo guitarrista Peter Banks se'n va es alavetz remplaçat per Steve Howe.

En 1971 sortís lo tresen album, The Yes Album, que sarra del genre progressiu ambe de longas pèças plan estructuradas que los farà conéisser. Ven aital a la debuta de las annadas 1970 l'un dels principals representants d'aquela forma de musica, ambe tanben en seguida los albums Fragil (1971), Close to the Edge (1972) e Tales from Topographic Oceans (1973), caracterizats per lors cançons longas d'inspiracion classica.

A n'aquesta periòda, lo grop es compausat del cantaire Jon Anderson, del guitarrista Steve Howe, del bassista Chris Squire, del clavierista Rick Wakeman e del bateire Bill Bruford (remplaçat per Alan White en 1972). Wakeman quita lo grop après la virada Tales from Topographic Oceans e es remplaçat pel soís Patrick Moraz que participa a l'album Relayer sortit en 1974.

Patrick Moraz quita Yes après una virada de las cranas, Rick Wakeman reïntègra alavetz lo grop en 1976, ambe lo qual enregistra los albums Going for the One (1977) e Tormato (1978). Après l'album Drama, que vei l'arribada dels membres del duò The Buggles (Trevor Horn e Geoff Downes) en remplaçament de Jon Anderson e de Rick Wakeman, Yes fin finala se separa fin 1980.

Lo grop se torna formar pr'aquò tres ans mai tard ambe Chris Squire, Alan White, ambe l'arribada de Trevor Rabin a la guitarra, au cant e ocasionalament aus clavièrs, ambe sustot lo retorn de Tony Kaye, e lo de Jon Anderson que torna au cant. Yes s'aluenha alavetz del ròck progressiu de la debuta per mai se sarrar d'una musica pop ròck mai abordabla. L'album 90125 es aital una capitada comerciala inedita pel grop ambe en particular lo single Owner of a Lonely Heart qu'es un tube mondial en 1983, quitament aus Estats Units.

Discografia[modificar | Modificar lo còdi]

  • 1969 : Yes
  • 1970 : Time and a Word
  • 1971 : The Yes Album
  • 1971 : Fragile
  • 1972 : Close to the Edge
  • 1973 : Tales from Topographic Oceans
  • 1974 : Relayer
  • 1977 : Going for the One
  • 1978 : Tormato
  • 1980 : Drama
  • 1983 : 90125
  • 1987 : Big Generator
  • 1991 : Union
  • 1994 : Talk
  • 1996 : Keys to Ascension
  • 1997 : Keys to Ascension 2
  • 1997 : Open Your Eyes
  • 1999 : The Ladder
  • 2001 : Magnification
  • 2011 : Fly from Here
  • 2014 : Heaven and Earth
  • 2018 : Fly from Here - Return Trip
  • 2020 : From a Page
  • 2021 : The Quest
  • 2023 : Mirror to the Sky

Referéncias[modificar | Modificar lo còdi]

  1. https://web.archive.org/web/20230121223318/http://rock6070.e-monsite.com/pages/rock-progressif/yes.html