Los Bravos
Los Bravos èra un grop ròck anglofòn espanhòl originari de Madrid (Espanha). Format en 1965, lo grop es conegut pel celèbre títol Black is Black, gròs succès au Reialme Unit, au Canadà e aus Estats Units en 1966. Lo single s'es vendut a un milion d'exemplars capvath lo monde entièr. La version francesa, Noir c'est noir, qu'es estada tanben a l'epòca un gròs succès dins los païses francofòns, foguèt enregistrada e interpretada per Johnny Hallyday, e es quitament venguda un títol màger de son repertòri[1].
Black is Black es estat escrich per Michelle Grainger, Tony Hayes e Steve Wadey.
Los Bravos èra constituït de Michael Volker Kogel (nascut lo 25 d'abril de 1944 a Berlin, Alemanha) au cant, del britanic Tony Anderson au cant e a l'armonica (fraire de Jon Anderson qu'a fondat lo grop Yes), de Antonio Martinez a la guitarra, de Miguel Vicens Danus a la bassa, de Manolo Fernandez (piano e òrgue, remplaçat per Jesús Glück Sarasibar après sa mòrt en 1968) e de Pablo Gomez (batariá).