Pop (musica)

Un article de Wikipèdia, l'enciclopèdia liura.
Salta a la navegació Salta a la cerca
Lei Beatles en 1964, au moment de la tornada ais Estats Units.

La musica pop (o simplament la pop) es un genre musicau qu'apareissèt dins leis ans 1960 au Reiaume Unit e ais Estats Units. Lei cançons parlan en generau de l'amor o dei relacions entre lei fremas e leis òmes. Mete l'accent sus la cançon individuala puslèu que sus l'album, e utiliza essencialament de cançons cortas emé de ritmes associats a la dança. Lei tecnologias coma l'enregistrament de pistas multiplas (vèrs la fin deis ans 1960) e lo sintetizaire (durant leis ans 1970 e 1980) influencièron foaça la musica pop.