Vocala semiobèrta posteriora arredondida

Un article de Wikipèdia, l'enciclopèdia liura.
Infotaula de l'alfabet fonetic internacionalVocala semiobèrta posteriora arredondida
ɔ
Numèro AFI306
Codificacion
Unicode (hex)U+0254
Son
noicon

La vocala semidobèrta posteriora arredondida es una vocala emplegada dins qualques lengas parladas. Lo simbòu que representa aqueste son dins l'alfabet fonetic internacionau es ⟨ɔ⟩, valent a dire una "c" virada que se sona generalament "o dobèrta". Son equivalent X-SAMPA es "o".

Caracteristicas[modificar | Modificar lo còdi]

  • Son degràs d'apertura es semidobèrt, valent a dire que la lenga es plaçada aper'aquí un tièr del camin entre una vocala mejana e una vocala dobèrta (es mai prèp de la vocala mejana).
  • Son ponch d'articulacion es posterior, valent a dire que la lenga es plaçada tan luònh coma possible en darrièr de la boca.
  • Son caractèr de redondetat es arredondit, valent a dire que las labras son arredondidas e que la partida interiora es exposida

En Occitan[modificar | Modificar lo còdi]

En occitan, la ɔ es representada de dos biais:

  • es representada per una "ò". Pasmens, en gardiòl pòt far tanben lo son [œ], e en provençau maritim e en niçard pòt far tanben los sons [wa]/[we]/[wɔ] segon los luòcs.
  • es representada per una "a". Dins la màger part das dialèctes, se pronóncia [ɔ] en posicion finala dins un mot plurisillabic e dins advèrbis en -ment (se que non, se pronóncia [a], [ə], [u] o se pronóncia pas segon lo dialècte. vejatz pronóncia de l'occitan). Se pronóncia tanben [ɔ] en lengadocian septentrionau en posicion atòna e de còps que i a en posicion tonica al contacte d'una nasala. En posicion tonica, se pronóncia [a].

La a pòt préner d'autres pronóncia. Vejatz pronóncia de l'occitan per mai d'entre-senhas.

  • La "á" fa lo sòn [ɔ] levat en provençau ont se pronóncia [e], e en lengadocian montpelhierenc e cevenòl ont se pronóncia [ɛ].

Dins las autras lengas[modificar | Modificar lo còdi]

  • Allemand : voll [fɔl] « comol »
  • Anglés : ball [bɔ̝ːl] « pelòta »
  • Catalan : cosa [kɔzə] « causa »
  • Francés : sort [sɔʁ] « sòrt »
  • Grèc modèrne : πάνω [ˈpanɔ]
  • Italian : otto, posso, comò
  • Neerlandés : vol [vɔl] « comol »
  • Portugués : módulo [mɔdulu] « modul »
  • Suedés : åtta [ˈɔtːa] « uòch »
  • Vietnamian : to [tɔ̄], « grand »
  • Occitan: òme [ˈɔme]