Vickers 6-Ton

Un article de Wikipèdia, l'enciclopèdia liura.
Sauter à la navigation Sauter à la recherche
Fotografia d'un carri Vickers 6-Ton version A en servici au sen de l'armada polonesa en 1932-1933.

Lo Vickers 6-Ton ò Vickers Mark E èra un carri de combat leugier britanic desvolopat dins lo corrent deis annadas 1920 per la companhiá Vickers. Pas adoptat per l'armada britanica, foguèt fòrça exportat en Euròpa onte conoguèt divèrsei melhoraments e versions novèlas. Per exemple, lo carri 7TP polonés ò lo T-26 sovietic èran de Vickers 6-Ton modificats.

Lo Vickers 6-Ton e sei derivats foguèron utilizats per lei tropas republicanas en Espanha (T-26) onte infligiguèron de pèrdas importantas ais Italians a la batalha de Guadalajara (1937) e per lei Finlandés e lei Sovietics durant la Guèrra d'Ivèrn onte mostrèron sei limits en fàcia deis armas anticarris e dei blindats pus recents. Au començament de la Segonda Guèrra Mondiala, lo Vickers 6-Ton e sei derivats èran lo carri pus frequent après lo carri Renault FT-17. Pasmens, franc dei combats còntra lei Japonés a Khalhin-Gol, sei performàncias èran totalament insufisentas e, après 1941, son usatge foguèt limitat ais operacions còntra lei partisans.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]