Carri 7TP
Lo carri 7TP es una version polonesa dau carri Vickers 6-Ton desvolopat dins leis ans 1920. Èra un blindat leugier armat d'un canon anticarri de 37 mm, propulsat per un motor diesel de 110 cv e protegit per un blindatge mejan de 15 mm. Aquò li permetiá d'agantar una velocitat de 37 km/h. Pasmens, se la concepcion foguèt acabada tre 1933, de problemas financiers alentiguèron la produccion e solament 132 exemplaris èran disponibles au començament de la Segonda Guèrra Mondiala. Lei carris polonés foguèron donc esquichats per la massa blindada alemanda, mai foguèron tecnicament capables de rivalizar amb lei Panzer I e Panzer II que formavan lo còr dei divisions blindadas de la Wehrmacht[1]. Leis Alemands capturèron un vintenau d'exemplaris que foguèron utilizadas per lei tropas d'ocupacion en Polonha. Utilizèron tanben quauquei quadres per produrre de veïculs de despanatge.