Robèrt Darrigrand
| Robèrt Darrigrand | |
| Naissença | 1934 Ortès |
|---|---|
| Mòrt | 10 de julhet 2016 |
| País d'origina | .svg){kind=small} Occitània, França |
Robèrt Darrigrand, qu’ei vadut a Ortès en 1934 e qu'ei mort lo 10 de julhet 2016, qu’ei ispanista e lingüista occitan.
Biografia
[modificar | Modificar lo còdi]Que hasó estudis a Ortès puish a la facultat de letras de Bordèu e a la Sorbona. Agregat d’espanhòu, qu’ensenhè a París, Argièr e Bordèu on hasó la màger part de la soa carrièra, acabada com professor de cadièra superiora au licèu Michel Montaigne.
Qu’estó de d’òra membre de l’Institut d’Estudis Occitans. En 1960 que hasè partida de l’escabòt qui acompanhè a Rogèr Lapassada tà crear Per Noste, la seccion bearnesa de l’IEO. En 1967 que fondè dab Jacques Boisgontier e Rogièr Teulat lo CREO (Centre Regionau d’Estudis Occitans) qui amassa los ensenhaires d’occitan de l’academia. La medisha annada, dab Max-Henri Gonthié, que creè l’Ostau Occitan qui ei la seccion girondina de l’IEO.
Pr’amor deu son engatjament tà la defensa de la lenga e de la cultura occitanas que collaborè a mantuas revistas au miei de las quaus Reclams e Per Noste/País gascons.
Las soas recèrcas que pòrtan tanben sus l’istòria deu protestantisme bearnés. Qu’ei l’un deus animators deu CEPB (Centre d’Estudi deu Protestantisme Bearnés) e qu’ei president de l’associacion deu musèu Joana de Labrit d’Ortès (istòria deu protestantisme bearnés).
Bibliografia
[modificar | Modificar lo còdi]- Comment écrire le gascon (ed. Per Noste, Ortès, 1969).
- Initiation au gascon (ed. Per Noste, Ortès, 1971).
- Grammaire abrégée du gascon, en collaboracion dab Miquèu Grosclaude (ed. Per Noste, Ortès, 1976)
- Gironde, terre occitane (Ostau Occitan, Bordèu, 1970), en collaboracion dab Jacques Boisgontier, Anne Cavignac, Michel Dufaure e Roger Teulat.
- Le livre aquitain d’expression occitane (CRDP, Bordèu, 1972), en collaboracion dab Christian Bonnet e Marie-France Cabanne.
- Condes deus monts e de las arribèras (ed. Per Noste, Ortès, 1970, segonda ed. 1978).
- Roger Lapassade, le béarnais en action (ed. Orthez, Cité du Livre, 2009).
Presentacion d’autors
[modificar | Modificar lo còdi]- Xavier Navarròt, tèxtes causits (Centre d’Estudis Occitans, Montpelhièr, 1970).
- Simin Palay : Los tres gojats de Bòrdavielha (ed. Per Noste, Ortès, 1974)
- Jean-Henri Fondeville : Calvinisme de Bearn divisat en siex ecloges. Presentacion et revirada. (CEPB, Pau, 2002).
- Arnaud de Salette : Los psalmes de David metuts en rima bernesa, 1583. Presentacion transcripcion e revirada. (ed. Per Noste, Ortès, 1983).
Istòria deu protestantisme
[modificar | Modificar lo còdi]- Le Béarn sous Jeanne d’Albret (Bibliothèque municipale, Pau, 1983), en collaboracion dab Miquèu Grosclaude, André Hourcade, Nicolas Kalinine, François Marin e Daniel Urbain.
- « Arnaud de Salette et son temps ». Le Béarn sous Jeanne d’Albret. Contribucion e edicion deus actes deu collòqui d’Ortès. (ed. Per Noste, Ortès, 1983).
- « L’Église évangélique libre d’Orthez. Un siècle d’histoire (1831-1935) » (CEPB, Pau, 2004).
- Le psautier béarnais, version Arnaud de Salette. Disc compacte de psaumes interpretats per la corala de la Glèisa evangelica libra d’Ortès. Preparacion e revirada deus tèxtes. (CEPB, Pau, 2004).
- Sur les pas des Huguenots, vingt itinéraires en Béarn, Pays Basque et Bigorre. Redaccion de mantuns itineraris (Pau, CEPB, 2009)
- Arnaud de Salette : Los psalmes de David metuts en rima bernesa, 1583. Edicion critica (Paris, H. Champion, 2010).
- Musèu Joana de Labrit a Ortès [1]