Partit de la Nacion Occitana
Lo Partit de la Nacion Occitana o PNO es un movement politic occitan, de tendéncia independentista, fondat a Niça en 1959 per Francés Fontan. Se disiá fins en 2004 Partit Nacionalista Occitan.
Los presidents successius del PNO son estats Francés Fontan (de 1959 a 1979), Jaume Ressaire (de 1979 a 2009) e Felip Bonet (2009-2011). Dempuèi la demission d'aqueste, la presidéncia es venguda collegiala entre Pèire Barral,[1] Gèli Grande (defuntat en 2022)[2] e Joan-Pèire Alari.[3]
Lo PNO publica dempuèi 1971 una revista trimestrala, Lo Lugarn.
Eleccions
[modificar | modificar lo còdi]Presidencialas de 1974 (França)
[modificar | modificar lo còdi]En 1974, lo Partit Nacionalista Occitan sosten la candidatura del federalista Guy Héraud vist qu'es l'un dels pensaires de l'etnisme ambe Francés Fontan.
Municipalas de 1978 (Itàlia)
[modificar | modificar lo còdi]En 1978, jos l'etiqueta MAO per « Movimento Autonomista Occitano » (Movement Autonomista Occitan), lo Partit Nacionalista Occitan obten una capitada electorala a Fraisse, un vilatge de las valadas occitanas del Piemont.
Legislativas de 1986
[modificar | modificar lo còdi]A las eleccions legislativas a la proporcionala de 1986, lo Partit Nacionalista Occitan se presentèt ambe son president Jaume Ressaire coma cap de lista dins lo departament de Gard, pasmens sens succès.
Regionalas e europèas de 2004 (França)
[modificar | modificar lo còdi]En 2004, lo Partit de la nacion occitana a fach aliança ambe d'autras formacions occitanistas (País Nòstre, Movement Regionalista Lengadocian) e de catalanistas a las eleccions regionalas en Lengadòc-Rosselhon sus la lista « Les Régionalistes » menada per Christian Lacour, lista qu'a obtengut al mes de març 1,27 % de las voses.[4] Christian Lacour foguèt tornamai lo cap de lista « Les régionalistes : Occitanie, Catalogne, Euskadi » aquesta meteissa annada de 2004 (12 e 13 de junh) a las eleccions europèas dins la circonscripcion Sud-Oèst de França.
Legislativas de 2007
[modificar | modificar lo còdi]A las eleccions legislativas 2007 en França, lo PNO presenta entre autras la candidatura de Felip Bonnet dins la 8na circonscripcion Comenge-Savés de Nauta Garona, la de Jaume Ressaire dins la 3na de Gard, la de Nathalie Vieillefon dins la 4na de Gard.[5]
Cantonalas de 2011
[modificar | modificar lo còdi]En 2011, lo PNO presentèt un candidat a las eleccions cantonalas de 2011 dins lo canton de Preishàs, dins Agenés.[6]
Municipalas de 2014
[modificar | modificar lo còdi]Lo Partit de la nacion occitana a participat activament al movement Bastir! pendent las eleccions municipalas de 2014 en França.[7] Jos aquela etiqueta, lo PNO a obtengut dos conselhièrs municipals, un a Luceram en Provença, e Felip Bonnet a Marinhac dins lo Comenge.
Europèas de 2014
[modificar | modificar lo còdi]Còp-sec après las eleccions municipalas en França, lo PNO monta una lista simbolica « Occitània, per una Euròpa dels pòbles » a las eleccions europèas del 25 de mai de 2014.[8]
Cantonalas (departamentalas) de 2015
[modificar | modificar lo còdi]Encara dins l'encastre del movement Bastir!, e en aliança ambe d'ecologistas, lo PNO a presentat de candidats a las eleccions departamentalas de 2015 dins 6 cantons del Gers jos l'etiqueta « Libres et Indépendants pour le Gers » (LIG, Liures e Independents pel Gers).[9]
Regionalas de 2015
[modificar | modificar lo còdi]Al mes de decembre de 2015, lo PNO participa a la lista « Le Bien Commun » menada pel deputat ecologista Christophe Cavard.[10][11]
Legislativas de 2017
[modificar | modificar lo còdi]En 2017, lo PNO presenta pas qu'una sola candidatura a las eleccions legislativas, un còp de mai dins la 8na circonscripcion Comenge-Savés de Nauta Garona, e aqueste còp, una candidatura comuna ambe Bastir Occitània.[12]
Municipalas de 2020
[modificar | modificar lo còdi]Lo PNO a tanben agut qualques aderents candidats dins l'encastre del front occitanista Occitània País Nòstre a las eleccions municipalas de 2020 en França.[13]
Regionalas de 2021
[modificar | modificar lo còdi]En 2021, lo PNO participa en Occitània Centrala a la lista « Bastir Occitanie 2021 » menada per Joan-Luc Davezac, una lista d'aliança d'Occitània País Nòstre ambe en particular Resistim, lo partit de Joan de Lassala.
Legislativas de 2022 e de 2024
[modificar | modificar lo còdi]A las eleccions legislativas de 2022 en França, lo PNO s'èra contentat de sosténguer las candidaturas de Bastir Occitània (11 en Occitània centrala, e una de la diaspora occitana a París), e tres candidaturas de Resistim, lo partit de Joan de Lassala (sus las 5na e 6na circonscripcions de Nauta Garona, e la de Gérard Lenfant[14] dins la segonda circonscripcion d'Aude).[15]
Per contra, en 2024, lo PNO presenta oficialament tres candidaturas a las eleccions legislativas, doas comunas ambe Bastir Occitània (primièra circonscripcion d'Òlt e Garona e 8na circonscripcion Comenge-Savés de Nauta Garona), e una sostenguda per Joan de Lassala sus la 5na circonscripcion de Nauta Garona.[16]
Ligams extèrnes
[modificar | modificar lo còdi]Vejatz tanben
[modificar | modificar lo còdi].svg){kind=small}
Referéncias
[modificar | modificar lo còdi]- ↑ Calandreta Lemosina a été fondée par Pierre Barral qui était en 2011 le vice-président de cette association et le co-président du Parti de la Nation Occcitane. https://www.agoravox.fr/tribune-libre/article/la-mairie-de-limoges-le-conseil-120668
- ↑ Gèli Grande s’en est aussi allé https://www.petitbleu.fr/2022/01/11/geli-grande-sen-est-aussi-alle-10038987.php
- ↑ Parti de la nation occitane : une conférence-débat et un repas pour commémorer 60 ans de lutte https://www.ladepeche.fr/2019/07/19/parti-de-la-nation-occitane-une-conference-debat-et-un-repas-pour-commemorer-60-ans-de-lutte,8320606.php
- ↑ Communiqué de presse du parti des Régionalistes Languedociens et Catalans https://www.occitania-oc.com/occitan/partenariats/
- ↑ Haute-Garonne. 8e circonscription https://www.ladepeche.fr/article/2007/06/08/21812-haute-garonne-8e-circonscription-le-sud-ancre-a-gauche.html
- ↑ Un candidat du PNO https://www.sudouest.fr/lot-et-garonne/madaillan/un-candidat-du-pno-10012017.php
- ↑ Municipales et occitan : de que ne cal pensar? 31/03/2014 https://france3-regions.blog.franceinfo.fr/le-blog-de-viure-al-pais-france3/2014/03/31/municipales-et-occitan-de-que-ne-cal-pensar.html
- ↑ Eleccions europèas: Occitània per una Euròpa dels Pòbles https://www.jornalet.com/nova/3480/eleccions-europeas-occitania-per-una-europa-dels-pobles
- ↑ ÉLECTIONS DÉPARTEMENTALES - COMMUNIQUÉ DU PARTI DE LA NATION OCCITANE - 17 mars 2015 https://abp.bzh/elections-departementales-36793
- ↑ Le Parti de la Nation Occitane adhère à la démarche du Bien Commun https://lejournaldugers.fr/article/3129-le-parti-de-la-nation-occitane-pno-adhre-la-dmarche-du-bien-commun
- ↑ Valence (82) : le PNO sur le marché https://www.ladepeche.fr/article/2015/11/11/2214983-valence-le-pno-sur-le-marche.html
- ↑ Dans le cadre de la campagne des Législatives, Jérôme Piques, candidat du PNO (Parti de la Nation Occitane) a reçu un bon accueil en ce jeudi de l’ascension sur le marché de Saint-Gaudens https://www.lepetitjournal.net/31-haute-garonne/e31c-saint-gaudinois/2017/05/29/jerome-piques-sur-le-marche/
- ↑ "Occitanie País Nòstre" labellise une vingtaine de listes pour le deuxième tour des municipales https://lo-lugarn-pno.over-blog.org/2020/06/occitanie-pais-nostre-labellise-une-vingtaine-de-listes.html
- ↑ Législatives2022 : Gérard Lenfant et Coralie Malric, candidats de "la Narbonnaise authentique" https://www.lindependant.fr/2022/05/05/narbonne-legislatives-gerard-lenfant-et-coralie-malric-candidats-de-la-narbonnaise-authentique-10277041.php
- ↑ 27/05/2022 : Le Parti de la Nation Occitane et les législatives du 12/06/2022 https://lo-lugarn-pno.over-blog.org/2022/05/le-parti-de-la-nation-occitane-et-les-legislatives-du-12/06/2022.html
- ↑ Le Petit Journal, 18 juin 2024 https://www.lepetitjournal.net/31-haute-garonne/2024/06/18/jean-lassalle-apporte-son-soutien-a-la-candidature-de-sylvie-bonnemaison/