Mercuri natiu

Goteta de mercuri natiu sus una massa de cinabre.

Lo mercuri natiu es un minerau blanc argent. Liquid dins lei condicions normalas de pression e de temperatura, a una densitat de 13,6 e un esclat metallic. Forma aisament d'amalgama amb lei metaus nobles coma l'aur, l'argent e lo palladi. Es soluble dins l'acid nitric. Tanben, se solidifica vèrs -38 °C e se vaporiza vèrs 356 °C. Es pas fluorescent.

Geologicament, lo mercuri natiu se forma dins de mitans reductors presents dins lei mineralizacions de cinabre, un sulfur de mercuri, dins de ròcas volcanicas e dins de cauquiers bituminós. Lei minas pus famosas se situan ais Estats Units, en Espanha, en Alemanha e en Itàlia. Aperavans, lo mercuri natiu èra principalament utilizat per l'extraccion dei metaus preciós, per la preparacion d'explosius (fulminat de mercuri) e de medicaments (calomèu). Uei, a pauc d'interès economic car es pus simple de produrre de mercuri a partir d'autrei mineraus.

Liames intèrnes

• Cinabre.
• Mercuri.

Bibliografia

• (fr) Nicola Cipriani (trad. Marie-Hélène Alfonsi e Catherine Sobecki), Minéraux et Roches, París, Gründ, 1996.