Marius Jouveau

Marius Jouveau (Avinhon 1878 -Ais 1949) es un poèta provençal. Foguèt capolièr del Felibritge entre 1922 e 1941.

Biografia

Lo paire de Marius èra Elzéar Jouveau (1847-1917), portaire de profession, musician e cançonièr, collaborador de l'Armana prouvençau e del Brusc, que venguèt Majoral del Felibritge en 1897.

Marius Jouveau es licenciat en lenga e literatura italianas. En 1910 foguèt escolan de l'Institut francés de Florença, ont gardèt de contactes tota la vida.

Foguèt mobilizat lo 2 d'agost de 1914. Anèt al front del 8 de julh de 1915 al 30 de genièr de 1919. Recebèt la Crotz de guèrra. Publicarà sas nòtas de guèrra.

Comencèt sa carrière d'ensenhaire en essent repetitor successivament al collègi de Manòca de 1808 a 1900, al collègi d'Arle de 1900 a 1913, al licèu de Dinha en 1913, al licèu d'Ais en 1913. En 1920, foguèt nomenat professor adjonch al licèu d'Ais.

Dintrèt dins lo Felibritge en 1907 e publiquèt Éléments de grammaire provençale et petit manuel de l’instituteur provençal pour la correction des provençalisme. Venguèt Majoral del Felibritge en 1913.

Foguèt lo fondator de la revista Fe, del mesadièr En terro d'Arle (1907-1912), director de la revista Lou Felibrige (1919-1945), fondator de l'Escolo mistralenco d'Arle e director de l'Armana Prouvençau.

Lo 11 d'agost de 1940, Jouveau escriguèt una letra al marescal Philippe Pétain ont ditz que la Revolucion nacionala e lo Felibritge partejan las meteissas valors. Prepausa al marescal de consultar los felibres a prepaus de l'organizacion de las províncias. Escriu al ministre de l'Educacion nacionala per qu'entreprenga la revision dels programas escolars per tal d'i introdusir l'istòria e las lengas localas. Afirmèt dins Fe : « En restaurar la disciplina patriotica dels païses, de la region, unit per sas tradicions, per sa fe istorica, òm deu restaurar França ».

Lo filh de Marius es lo tanben felibre René Jouveau (1906-1997). La bibliotèca de René, acampada per mantunas generacions, foguèt balhada al CIRDOC de Besièrs en 2006.

Distincions

Foguèt nomenat Oficièr d'acadèmia lo 14 de julh de 1910 e Oficièr de l'Instruccion publica lo 14 de julh de 1920.

Foguèt fach cavalièr de la Legion d'onor lo 10 d'octòbre de 1927.

Òbras

Éléments de grammaire provençale et petit manuel de l'instituteur provençal pour la correction des provençalismes, Marselha, 1907 (telecargable à çò de Ciel d'Oc)
Sèt cansoun d'Arle. Pouèmo prouvençau. Traducioun francesco de l'autour, Ais, 1930
(ambe Frédéric Mistral nebòt, Pierre Fontan, Bruno Durand, René Jouveau e Pierre Azéma) Aspects de Mistral. L'Homme. Le poète. Le philologue. Le sage. Le politique, Marselha, 1930
L'Etymologie par le provençal à l'école primaire, Ais, 1939
Discours de Mistral, Ais, 1941
A la gràci dóu tèms. Pouèmo e souveni de Marius Jouveau, publicats per René Jouveau, Ais, 1960
[1]. BNF FRBNF35026902.
Ambe René Jouveau, Discours de Capoulié, publicat per Marie-Thérèse Jouveau, Marselha, 1995 (telecargable à çò de Ciel d'Oc)
Pontgibous. Conte coumtadin, Marselha, 1996

Bibliografia

Stèle pour deux poètes. Marius Jouveau 1878–1949. Joseph d'Arbaud 1872–1950, Aix-en-Provence 1960
Correspondance de Frédéric Mistral et E., F. et Marius Jouveau 1877–1913, publiée par Marie-Thérèse Jouveau, Aix-en-Provence 1993
Jean Fourié, Dictionnaire des auteurs de langue d’oc de 1800 à nos jours, Aix-en-Provence 2009 s.v.

Referéncias

(en) Aqueste article es parcialament o en totalitat eissit d’una traduccion de l’article de Wikipèdia en anglés intitolat « Marius Jouveau ».

Ligams extèrnes

Wikidata: Q5893093