Londonbeat
Londonbeat (Lo ritme de Londres) es un grop musical anglés e american dins un estili que mescla pop e R'n B.
Londonbeat s'es format en 1988 a Londres (d'aquí lo nom) per Jimmy Helms, cantaire american de musica soul, George Chandler e Jimmy Chambers, ancians coristas de Paul Young, e William Henshall (dich Willy M) a la guitarra.
Londonbeat a de'n primièr agut de succès als Païses Basses, mas es a la fin de l'annada 1990 que lo grop se faguèt conéisser mondialament ambe lo tube I've Been Thinking About You, tirat del segond album In The Blood. Lo single I've Been Thinking About You pujèt fins a la primièra plaça als Estats Units, en Austràlia e dins mantuns païses d'Euròpa coma Soïssa, Alemanha, Àustria, Païses Basses, Belgica e Suècia. En Occitània son tanben mai que mai coneguts per aquela cançon, lo single s'essent classat 11en en França al mes de febrièr de 1991.